اسلام آباد۔ 18 اپریل (اے پی پی) بنجائی وزیر پارلیمانی امور شیخ آفتاب احمد پارینے کہ اپوزیشن آنبار حکومت ہم جمہوری نظام ئِ سوگو جوڑ کننگ نا خواہندار ئِ ، نن ہم پارلیمنٹ ئِ ہموخس ہی مقدس ادارہ اس سمجھنہ اخس کہ اپوزیشن سمجھک۔ سے شنبے نا دے قومی اسمبلی ٹی قائد حزب اختلاف سید خورشید احمد شاہ ناتران آن پد تینا خیال آتا درشانی ئِ کرسا بنجائی وزیر شیخ آفتاب احمد پارے کہ دابابت صفا ئُ بیان اس وزارت داخلہ ہی تننگ کیک ولے قائد حزب اختلاف سید خورشید احمد شاہ نا ایلو ٹک آتا بابت ورندی ترسا اوپارے کہ پارلیمنٹ ہراوڑ اپوزیشن کن مقدس ئِ ہمووڑ دا ننکن ہم مقدس ئِ۔ نن مستین اٹی وخت اس ہم کورم نا پیدواری ئِ کتون، نن ہم خوانہ کہ نظام چلینگسا کے و سوگو مرے۔
