کبینی مچ آ دنیا ءِ تینا پلویڑ اٹی ہلکونے، وزیراعظم عمران خان پاکستان اٹ پیٹرول ، ڈیزل 10 روپئی، بجلی 5 روپئی یونٹ اڑزآن، احساس راشن نا کمک اٹ الس ءِ ریلیف تس، وزیر مملکت حوالکاری و شینکاری فرخ حبیب

اسلام آباد۔ 14 مارچ (اے پی پی) وزیر مملکت حوالکاری و شینکاری فرخ حبیب پارینے کہ امریکہ ٹی کبینی نا کچ تدوک آ 1 سال اٹی 1.4 درسد آن 7.9 درسد آ سرمس۔ دوشنبےنادے آ تینا ٹویٹ اٹی وزیر مملکت پارے کہ کبینی مچ آ دنیا ءِ تینا پلویڑ اٹی ہلکونے۔ امریکہ ٹی کبینی نا کچ تدوک آ 1 سال اٹی 1.4 درسد آن 7.9 درسد آ سرمس ، ہموڑے 40 سال انا کبینی نا ریکارڈ پنا۔ داکان پد ہم وزیراعظم عمران خان پاکستان اٹ پیٹرول، ڈیزل 10 روپئی، بجلی 5 روپئی یونٹ اڑزآن، احساس راشن نا کمک اٹ الس ءِ ریلیف تس۔