ڈپٹی اسپیکر قومی اسمبلی بلوچستان اٹی پارٹی ءِ سوگو و فعال کرینے، ملک زادہ یحییٰ کاکڑ

کوئٹہ۔ 14 مارچ (اے پی پی) پاکستان تحریک انصاف بلوچستان نا راہشون ملک زادہ یحییٰ کاکڑ پارینے کہ ڈپٹی اسپیکر قومی اسمبلی و صدر پاکستان تحریک انصاف بلوچستان قاسم خان سوری ءِ نادرا میگاسینٹر بلوچستان نا بنا ءِ کننگ آ مبارکبادی پیش کینہ ہرا بلوچستان نا الس نا دیرینہ خواست ئسک، اوہرفورم آ بلوچستان نا نمائندگی ءِ کرسا داپک کرینے کہ او بلوچستان نا الس نا حقی نمائندہ ءِ۔ اوتینا بیان اٹی پارے کہ ڈپٹی اسپیکر قومی اسمبلی قاسم خان سوری داکان مست ہم کوئٹہ و اوڑتون کیبی علاقہ غاتے ٹی نادرا سینٹر ، کوئٹہ شار اکن اسہ ارب روپئی نا پوسکن آ گیس پیپ لین، چینی حکومت نا کنڈآن کوئٹہ ٹی بھلا ٹیوب ویل، کوئٹہ غان براہ راست سعودی عرب، دبئی کن جہاز، بجلی نا 5 پوسکن ءُ فیڈر ز و ایلو ڈٹ آتے منظور کرفینے ہرا داکان مست مسکوہی دور حکومت اٹی متنے۔ اوپارے کہ قاسم خان سوری بلوچستان آن گچین مروک ہمو اسٹ انگا ڈپٹی اسپیکر قومی اسمبلی ءِ ہرافک سیاست آن ایڑتر مرسا تینا درگہ ءِ الس کن ملانے ہرا ستاکڑزک۔ اوپارے کہ ڈپٹی اسپیکر قومی اسمبلی قاسم خان سوری ہرامشکل انگا حالیت آتے ٹی بلوچستان اٹی پارٹی ءِ سوگو و فعال کرینے او بے مٹ ءِ۔