اسلام آباد۔ 14 مارچ (اے پی پی) بنجائی وزیر مواصلات و پوسٹل سروسز مراد سعید پارینے کہ اوورسیز پاکستانیک دنیا ٹی تینا ملک انا سفیر آک ءُ، غٹ ءِ نشان تننگ خواوہ کہ اوورسیز پاکستانیک پاکستان تحریک انصاف نا فنڈنگ کننگ والا ءُ، سیاست دان گچین کاری و لیڈر بروک آ چین تا سجفک، مشکل زرگزرانی حالیت آتے ٹی زرگزران ءِ سیبو تننگ ہر اوورسیز پاکستانی تا منت واری ءِ ہرفیوہ۔ داخیال آتا درشانی ءِ او دوشنبے نادے آ پاکستان تحریک انصاف و سیز انٹرنیشنل چیپٹرز نا کنڈآن کنونشن سینٹر اٹی برجامسہ دے ئی سمندر پار پاکستانیز کنونشن نا ارٹ میکو دے انا اولیکو سیشن آن تران کرسا کرے۔ مراد سعید پارے کہ غٹ ءِ نشان تننگ خواوہ کہ اوورسیز پاکستانیک تحریک انصاف نا فنڈنگ کننگ والا ءُ۔ عمران خان ہراوڑاٹ پاکستان نا نمائندگی ءِ کرے، ناموس رسالت صلی اللہ علیہ و آلہ وسلم نا مقدمہ تون مون تس داکان مست کس اس مون تتنے۔ اوپارے کہ عمران خان چنکو وخت اسے آن پاکستان ءِ دہشت گردی نا جاگہ غا سیل و سوات اٹ شناخت تس۔ مسکوہی حکمرانک ہشت سد کروڑ جند انا اُراتیا خڑچ کریر و 2700 مخلوق جند انا رکھ آ سلفیر۔ دا ننا خراج نا پیسہ غاتے ٹی درمان کرفنگ کن پیشن کارہ۔ اوپارے کہ وزیراعظم عمران خان غٹ پاکستانی تیکن دہ لکھ فی خاہوت جان جوڑی انشورنس تس۔ سیاست دان گچین کاری و لیڈر بروک آ چین تیکن سجفک۔ عمران خان نا کماشی ٹی پنچ دہائی آن پد بجلی و دیر اکن دہ ڈیم تیا کاریم مننگ ءِ، مستین نا حکمران تا عمران خان تون موازنہ کننگ ءِ توہین تکیوہ، اوورسیز پاکستانی مستین اٹ ہراتم پیسہ غاتے پاکستان آ مون تسرہ تو ہمووخت داجاگہ نا حکمرانک خراج نا پیسہ غاتے دُزی کرسا پیشن نا ملک جائیداد جوڑ کریرہ۔ اوپارے کہ پردیسی تے پاکستان نا دنیا ٹی سفیر مننگ آ منت واری ءِ ہرفیوہ و اوفتے خراج تحسین پیش کیوہ۔ اوورسیز پاکستانیک دنیا ٹی تینا ملک انا سفیر ءُ۔
