کوئٹہ۔ 14 مارچ (اے پی پی) پاکستان تحریک انصاف نا راہشون حاجی سیف اللہ خان کاکڑ پارینے کہ اپوزیشن نا تحریک بے پتی بے سہب مریک، مچ آ قوم وزیراعظم عمران خان تون ءِ۔ دا حق و باطل نا جنگ ءِ۔ پیشن نا واکدار آتا کمک اٹ عمران خان نا حکومت ءِ بٹفنگ نا سازش کروک آتے قوم درست کرینے۔ تینا بیان اٹی اوپارے کہ حکومت نا برخلاف اسٹ مروک آتا پاننگ ءِ کہ او ملک انا گچینی کن داغٹ کننگ ءُ ، اول او دا پار کہ 30 سال اسکان اقتدار اٹ رہینگ آن پد ہم اوفک ملک اکن انت کریر۔ اینو او قوم اکن آخا بلکن تینا سیاست نا ڈبنگوک آ کشتی و دُزی نا مال ءِ بچفنگ کن اسٹ مسنو ولے اوفتا دا سازش اسُل سرسہب مفک انتئے کہ مچ آ قوم عمران خان تون ءِ ملک و قوم انا سلامتی و سالمیت نا برخلاف سازش کروک آتا منفی سیاست نا جنازہ پیش تمنگ والا ءِ عمران خان نا حکومت نئے بیرہ دا مد ءِ پورو کیک بلکن بروک آ حکومت ہم عمران خان نا ہی مریک۔
