اسلام آباد ۔ 14 مارچ (اے پی پی) اسٹیٹ بینک آف پاکستان (ایس بی پی) پارینے کہ سمندر آن ایپار رہینگوک آ پاکستانیک جون 2020 آن ہلیس داتم اسکان ہر تُو 2 ارب ڈالر آن زیات نا زررادہ کرینو، زررادہ کننگ نا وصولی تا ساڑی آ کچ برقرار سلیس تو برجامالی سال انا ایسر اسکان زررادہ کننگ نا وصولیک ودسا 29 آن 30 ارب ڈالر مننگ نا گمان ءِ۔ بینک انا حساب وکتاب نا رداٹ برجامالی سال اٹی جولائی آن فروری 2021-22پیشن نا ملک رہینگوک پاکستانی تا زررادہ کننگ نا کچ ودسا 20.1 ارب ڈالر مسنے۔ داوخت آ سعودی عرب اٹی رہینگوک پاکستانی پردیسی تا کنڈآن غٹ آن زیات یعنی 5.1 ارب ڈالر وطن عزیز آ گدریفنگا، متحدہ عرب امارات ارٹ میکو نمبر آ ئسک ہراکان پاکستانیک 3.8 ارب ڈالرزر رادہ کریر۔ داکان بیدس برطانیہ ٹی رہینگوک پاکستانی تا کنڈآن 2.8 ارب ڈالر وخت اس کہ ایلو خلیجی ملک آتیان 2.3 ارب ڈالر نا زروصول مس۔ رپورٹ نا رداٹ امریکہ ٹی رہینگوک آ پاکستانی برادری برجامالی سال انا بنائی 8 تُو اٹی 1.9 ارب ڈالر و ایلو ملک آتیان 5.2 ارب ڈالر نا ترسیلات زر کریر۔
