اسلام آباد۔ 18 اپریل (اے پی پی) عوامی نیشنل پارٹی نا باسک قومی اسمبلی غلام احمد بلور پارینے کہ ملک اٹی انتہاپسندی مستین ناحکمران تا پیداوار ئِ ، اوغان جنگ انا بشخ جوڑ مننگ نا وخت آ نن پاریسن کہ جہاد آخا پھسات اٹی بشخ ہلنگ ئِ ۔ سے شنبے نا دے پارلیمنٹ ہاﺅس نا پیشن میڈیا تون ہیت وگپ کرسا اوپارے کہ مستین نا ڈکٹیٹر حکمرانک انتہاپسندی ودی کریر ، ننے اوغان جنگ انا بشخ جوڑ مننگ ناگرج ہلوداجنگ انا بشخ جوڑ مننگ ناوخت آہچ گہس تون صلابت کننگ تو ،بلکن دا اسہ ڈکٹیٹر اسے نا فیصلہ ئس ہرادے مچ آ قوم سگنگ ئِ ، اوپارے کہ ہمووخت ننا جماعت اوغان جنگ اٹی بشخ ہلنگ نامذمت ئِ کریسس و پاریسس کہ جہاد آخا پھسات اٹی بشخ ہلنگ انگئِ ہرا سہی اف۔ اوپارے کہ ساڑی دور اٹی داہیت راست ثابت مس۔ اومردان یونیورسٹی نا واقعہ ٹی مشال خان نا خون ناسخت انگا لوز آتیٹی مذمت ئِ کرسا پارے کہ انتہاپسندی مستین ناڈکٹیٹر اسے ناودی کروک ئُ سے اونا نتیجہ غاتے اینو قوم دہشت گردی و انتہاپسندی نا دروشم اٹ سگنگئِ۔
