وزیراعظم عمران خان ملک انا وتواجہی وآجو زرگزران نا ہیت ءِ کرے، بلوچستان اٹی زالبول آتیکن مہالو نادرا وین انا بناءِ کرینن، ڈپٹی اسپیکر قومی اسمبلی قاسم خان سوری

کوئٹہ۔ 12 مارچ (اے پی پی) ڈپٹی اسپیکر قومی اسمبلی و پاکستان تحریک انصاف بلوچستان نا صدر قاسم خان سوری پارینے کہ عمران خان بھلاواکداری تے انکار کرے، وزیراعظم ملک انا وتواجہی و آجو زرگزران نا ہیت کرے، بلوچستان اٹی زالبول آتیکن مہالو نادراوین نا بناءِ کرینن داسہ مچ آ صوبہ نا تحصیل ہیڈکوارٹرآتیٹی نادرا زالبول آتے شناختی کارڈ و ایلو آسراتی تے فراوان کیک، کمپیوٹرائز جانشینی سرٹیفکیٹ نا بناغان الس ءِ عدالت آتا چکر ءِ خلنگ آن نجات ملک۔ داخیال آتا درشانی ءِ او ہفتہ نادے آ کوئٹہ ٹی نادرا میگا سینٹر و کمپیوٹراز جانشینی سرٹیفکیٹ نا بناغان پد پی ٹی آئی بلوچستان نا راہشون ڈاکٹر منیر بلوچ، عبدالباری بڑیچ و ایلوفتے تون اوار صحافی تتون گپ وتران کرسا پارے۔ ڈپٹی اسپیکر قومی اسمبلی قاسم خان سوری پارے کہ دنیا تون آقا و غلام نا رشتہ قبول اف بلکن سنگتی نا بنداو آ تعلقداری جوڑ کننگ خوانہ، وزیراعظم عمران خان قوم ءِ سیاسی شعور تسنے۔ اسلام آباد اٹی او آئی سی نا سرسہب کانفرنس  اڈتننگ انگ ءِ، پاکستان تحریک انصاف نا قومی اسمبلی نا کارندہ غاک دیوان آن مست مچ آ ملک آن وزیراعظم تون یکجہتی نا درشانی کن اسلام آباد آ سرمننگ ءُ۔ ڈپٹی اسپیکر قومی اسمبلی قاسم خان سوری پارے کہ عمران خان آجو خارجہ پالیسی، سوگو آزاد زرگزران اس تس ہرانا سوب آن قوم تینا نت تیا سلوک ءِ، ایلو صوبہ غاتیانبار نادرا بلوچستان نا شاری تے ہم آسراتی ایتک۔ بلوچستان اٹی زالبول آتیکن مہالو نادرا وین انا بناءِ کرینن و مچ آ صوبہ نا تحصیل ہیڈکوارٹر آتیٹی نادرا زالبول آتے شناختی کارڈ و ایلو آسراتی تے فراوان کیک۔ خضدار، پنجگور ، تربت، چمن، پشین و ایلو علاقہ غاتیٹی نادرا نا سینٹر ملنگانے، کوئٹہ نا میگا نادرا سینٹر شاری تا آسراتی کن 24 گھنٹہ ملوک مریک ہراٹی زالبول آتیکن جتا سیکشن نا بست وبند کننگانے کمپیوٹرائزجانشینی سرٹیفکیٹ نا بناآن الس ءِ عدالت آتا چکر خلنگ آن نجات ملک۔ قاسم خان سوری پارے کہ عمران خان بھلا وکدار تے انکار کرے۔ وزیراعظم ملک انا وتواجہی و آجوزرگزران نا ہیت کرے۔ اوپارے کہ تحریک بے پتی آن مست پی ٹی آئی نا کارندہ غاک ڈی چوک آ مچ مریرہ، وزیراعظم عمران خان قوم ءِ سیاسی شعور تسنے۔