کراچی۔ 12 مارچ (اے پی پی) گورنر سندھ عمران اسماعیل پارینے کہ وزیراعظم عمران خان نا حکومت سوگوی اٹ سلوک ءِ، پی ٹی آئی نا حکومت نئے بیرہ ساڑی آ مد ءِ پورو کیک بلکن بروک آ سال گچین کاری تیٹی ہم پی ٹی آئی سرسہب مریک، وزیراعظم فرنٹ فٹ آ گوازی کیک، اپوزیشن نا نمبر آک پورو افس۔ گورنر ہاؤس آن جاری اعلامیہ نا رداٹ داخیال آتا درشانی ءِ …
حکومت نئے بیرہ مد ءِ پورو کیک بلکن بروک آ گچین کاری تیٹی پی ٹی آئی سرسہب مریک، گورنر سندھ عمران اسماعیل
کراچی۔ 12 مارچ (اے پی پی) گورنر سندھ عمران اسماعیل پارینے کہ وزیراعظم عمران خان نا حکومت سوگوی اٹ سلوک ءِ، پی ٹی آئی نا حکومت نئے بیرہ ساڑی آ مد ءِ پورو کیک بلکن بروک آ سال گچین کاری تیٹی ہم پی ٹی آئی سرسہب مریک، وزیراعظم فرنٹ فٹ آ گوازی کیک، اپوزیشن نا نمبر آک پورو افس۔ گورنر ہاؤس آن جاری اعلامیہ نا رداٹ داخیال آتا درشانی ءِ او حاجی رزاق جانو میموریل ٹرسٹ انا رداٹ اڈ ہلوک آ دود آن تران و اوکان پد صحافی تتون گپ وتران کرسا کرے۔ گورنر سندھ عمران اسماعیل پارے کہ آسودہی ادارہ غاک انسانیت نا نیک نیتی اٹ خذمت ءِ کننگ ءُ ہراٹی میمن برادری پیش پیش ءِ۔ حاجی رزاق جانو میموریل ٹرسٹ انا کنڈآن چندی خن تا درمان نا بابت مفت کیمپس خلنگانے ہرانا کمک اٹ لکھ آ بندغ آتا درمان ءِ ممکن کننگانے۔ حاجی رزاق جانو میموریل ٹرسٹ و ایلو این جی اوک ہرا راجی آسراتی نا کاریم تتون گنڈوک ءُ او غٹ ستاکڑزرہ۔
