پاکستان و آئی ایم ایف نا نیام اٹ ہفت می جاچ و 5 ارب ڈالر نا پیکج آن 1 ارب ڈالر نا قسط اکن گپ و تران نا چرجوئی برجاءِ، ترجمان وزیر خزانہ

اسلام آباد۔ 12 مارچ (اے پی پی) وزیرخزانہ نا ترجمان مزمل اسلم پارینے کہ پاکستان و جہانی مالیاتی فنڈ (آئی ایم ایف ) نا نیام اٹ جاچ و 6 ارب ڈالر نا پیکج آن 1 ارب ڈالر نا قسط اکن گپ وتران نا چرجوئی برجاءِ۔ اوداہیت ءِ سعودی عرب نا اخبار عرب نیوز تون گپ وتران اٹی پارے، اوپارے کہ آئی ایم ایف و وزارت خزانہ دا بابت لگوک ءُ و گپ وتران مثبت نتیجہ غا سرمننگ نا گمان ءِ۔ اوپارے کہ حکومت دسمبر نا ایسر اسکان غٹ مالیاتی و کٹیا تا ہدف آتے دوئی کرینے ہنداخاطرآن دابابت ہچ ءُ اڑاند اس اف۔ مزمل اسلم پارے کہ آئی ایم ایف نا جاچ اسہ ہندن ءُ عمل اسے ہراٹی وخت لگک و ظاہر ءِ کہ سوج و ورندی ہم مریک ولے اودایخین نا درشانی ءِ کرے کہ وزارت خزانہ ساڑی ہی ٹی پڑوکروک کٹوتی و خراج استثنیٰ آ آئی ایم ایف ءِ است جم کننگ کن پورو وڑاٹ تیار ءِ۔ اوپارے کہ ریلیف پیکج کن حکومت تینا وسیلہ غاتیان مالی گنجائشت فراوان کننگ ءِ۔ حکومت دا ریلیف ءِ آئی ایم ایف نا غٹ ہدف آتے پورو کننگ آن پد الس اسکان سرکرینے۔ مزمل اسلم پارے کہ ننا زرگزرانی نمو سوگو ءِ، خراج ریونیو و برآمد آتیٹی ودکی مننگ ءِ، ہنداخاطرآن حکومت الس ءِ ریلیف تننگ نا پوزیشن اٹی ءِ۔