جنوری 2021آن داتم اسکان کم و ود 675 کشمیری زالبول آتے شہید کننگانے، مشعال ملک

اسلام آباد۔ 12 مارچ (اے پی پی) پیس اینڈ کلچر آرگنائزیشن نا چیئرپرسن مشعال حسین ملک پارینے کہ جنوری 2021 آن داتم اسکان کم و ود 675 کشمیری زالبول آتے شہید کننگا، 1989 آن ہلیس داتم اسکان بھارت نا غیرکانودی کوزہ گیری ٹی مقبوضہ جموں و کشمیر اٹی کم و ود 23،000 زالبول جنوزان مسنو۔ ہفتہ نادے آ تینا اسہ کلہو اسے ٹی اوپارے کہ بھارت جموں و کشمیر آ غیرکانودی و زوراکی اٹ کوزہ غان پد آن کشمیری تا بنداوی حق ءِ لتاڑنگ ءِ ، بھارت اسہ خونی و غاصب اسے، کشمیری الس نا مشکل آک بھارتی فوج انا پورو پیش تمنگ آن پد ہی چٹرہ۔ کشمیری الس بھارتی آئین نا آرٹیکل 370 و A-35نا منسوخی ءِ یکسر مسترد کرے، او ہمو حالیت آتے ٹی زند ءِ تیر کننگ آ بیوس ءُ ہراڑے او آجوئی اٹ ساہ ہم ہلنگ کپسہ۔ اومستی پارے کہ مودی حکومت سخت پبلک سیفٹی ایکٹ نا رداٹ وادی کشمیر اٹ بے شمار پابندی و اڑاند عائد کرینے۔