اپوزیشن  سروک نوٹ آنی تھیلہ  آں  گوں  اسمبلی ءِ باسک آنی پشت ءَ   چکروکی ورگ  ءَ آں، فضل الرحمن، زرداری ءُ شہبا زشریف  ءِ یکیں یارکر ءَ گوں وکٹ  آں دور دیاں، مزن  وزیر  عمران خان  ءِ تیمر گرہ، لوئرہ دیر ءَ  السی مچی ءَ گوں گشتانک

تیمرگرہ ۔11مارچ  (اے پی پی): مزن وزیر عمران خان ءَ تحریک   ءِ عدم  اعتماد ءَ گوں یک  روچے پیسر ڈی چوک ءَ ٹوھیں  مچی ءِ جار جنان ءَ گوشت کہ اپوزیشن سروک  نوٹ  آنی تھیلہ ءَ گوں  اسمبلی ءِ باسک آنی پشت ءَ چکروکی ورگ  ءَ  اَنت۔   دورگ را ست پدر بنت،  تحریک عدم اعتماد ءِ  میچ کپتان  باج بارت،  پدا بچار اِ ت کہ من آوانی گوما چے سلوک کناں۔  اچبر اچ کس ءِ دیم ءَ نہ جُھک اتگ اوں  ءُ   ناں  وتی راج ءَ را جھکگ ءَ کِلاں۔  حکومت وا کسانیں چیز اِت  جان ءُ ساہ دیگ کپت گڈا پشت کنز نہ باں،  آئی ءَ گوشت کہ  ملک ءِ ایمنی ءِ  واستہ مھکمیں روج  المی اِنت۔  اے ھیالانی درشانی  آئی ءَ  آدینگ ءِ روچ  ءَ   گشتانک دیان ءَ کت۔  مزن وزیر  ءَ گوشت کہ پاکستان  ءِ  جوڑیشت کلمہ طیبہ ءِ بنیات ءَ بوتگ،  کلمہ طیبہ ءِ  یک سرجمیں  فلسفہ اِت۔  دگرے کرا جھکوک ءِ دگنیا ءَ اچ شرپ ءُ ازت نہ بیت،  مدلمان آنی کسا ءَ کمی ءَ  ابید  قیصر ءُ کسریٰ  وڑیں سپر پاورز  آناں شکست ءَ   گوں آماچ  بوتگ انت ءُ  آ 9،8 سال ءِ کسانیں  وھد ءُ پاس ء۔ مسلان آنی  دیم ءَ جھک ءَ  مجبور بوتگ اَنت۔  دگنیا ایوک ءَ  وت مستریں راج آنی ازت ءَ کنت۔  پاکستان ءَ را وت مستریں ملک ءِ  جوڑ کنگ،  گہبودی ریاست ءِ برجائی ءُ عدل ءُ انصاف ءِ نظام ءِ  جوڑ کنگ ءُ طاقتور  ءَ را کانود ءِ  پنچ ءَ آرگ  مئے منشور ءِ بھر اِنت۔  اے منشور ما مدینہ ءِ ریاست ءَ چہ زرتگ، بنی کریم ﷺ  ءَ دگنیا ءِ اولی گہبودی  ریاست جوڑ  کتگ۔  مزن وزیر ءَ گوشت کہ  ملک 35 سال ءَ چہ حکومت کنوک مرچی یکجا بوتگ انت۔   دگنیا ءَ مئے سبزیں پاسپورٹ  ءِ شرپ  ھمیشانی سبب ءَ  نیست انت چیا کہ گوستگیں حکومت آں ملک   ءَ را وام دار کتگ ءُ ٹوھیں  طاقت آنی دیم ءَ  جھک اتگ اَنت۔  2000  ءَ بگر تاں 2018   ءَ تاں نواز شریف  ءُ زرداری ءِ   دور ءُ بارگ ءَ ملک ءِ سر ءَ 400 ڈرون  ارش بوتگ ءُ بے کسوریں  مردم جنگ بوتگ انت بلے نواز شریف ، زرداری ءَ یک رند  ءِ مزمت نہ کتگ۔  چیا کہ  ایشانی اربانی کلدار ءِ مال ءُ مڈی  ڈن ملک ءَ انت۔   اے ارش آنی ھلاپ ءَ  تحریک پاکستان انصاف  ءَ مدان ڈرون ارش آناں مزمت کتگ، نواز شریف ءِ دور ءَ  مودی  مئے  ارد ءَ را ناشرکار گوشگ ءَ بوتگ بلے نواز شریف ءَ  یک رند ءِ  ھم  مودی ءِ  مزمت نہ کتگ ءُ درئی کارانی کارگس ءِ ترجمان ءَ  را  بھارت ءِ ھلاپ  ءَ بیان  دیگ  ءَ  مکن کتگ۔  گوستگیں سروک آنی  زر ڈن ملک ءَ ایر انت،  ھرکسی زر ڈن  ملک ءَ ایر انت درئی پالیشی  جوڑ کت نہ کنت۔  مزن وزیر ءَ گوشت کہ  تحریک عدم  اعتماد ءِ میچ شمے کپتان  باج بارت  ءُ پدا بچار اِت کہ  اے ڈاکو آنی گوما  ما چے سلوک کناں۔  مچی ءَ گوں وزیر ءِ درئی کار شاہ محمود قریشی ، بنجاھی  وزیر  رسانک  مراد سعید ءُ سر وزیر  خیبر پختونخوا محمود  خان ءَ ھم  گشتانک دات۔