جہانی برادری بھارت نا کنڈآن فضائی دنگ انا خلاف ورزی نا نوٹس ءِ ہلے، وزیر خارجہ مخدوم شاہ محمود قریشی

اسلام آباد۔ 11 مارچ (اے پی پی) وزیرخارجہ مخدوم شاہ محمود قریشی پارینے کہ جہانی برادری بھارت نا کنڈآن فضائی دنگ انا خلاف ورزی نا نوٹس ءِ ہلے، ہندوستان ءِ داحرکت کن جوابدہ مروئی تمک، نئی دہلی نا وضاحت آن پدآخبت نا لائحہ عمل نا فیصلہ ءِ کینہ۔ جمعہ نادے آ پاکستان نا فضائی دنگ انا خلاف ورزی نا بابت اسہ بیان اسے ٹی وزیرخارجہ پارے کہ دا ارٹ میکو وار ننا فضائی دنگ انا خلاف ورزی مسنے۔ داکان مست مستین اٹی ہم 26 فروری آ بھارت جارحیت کریسس و پاکستان اودے جوان و وخت آ ورندی تس۔ وزیرخارجہ پارے کہ نن دا حرکتءِ بھارت نا تکنیکی بے سہبی پان، جارحیت پان یا بدنیتی پان۔ پاکستان 2019 اٹی ہم مدبرانہ ردعمل تس۔ اوپارے کہ ہندوستان نا حرکت گڑتی اسے ، جہانی برادری  دا حرکت نا نوٹس ءِ ہلے۔ اوداحرکت آن کودک جان تے خطرہ ٹی شاغانے ایوی ایشن اتھارٹی دانا نوٹس ءِ ہلے۔ سعودی ایئر لائن نا جہاز، قطر و پاکستان نا ڈومیسٹک جہازآک شست مننگ کریرہ و کودک مخلوق شست مننگ کریرہ۔ نن فیصلہ کرینن کہ پی 5 ملک آتا نمائندہ غاتے وزارت خارجہ ٹی بٹنگسا ، اودے مچ آ حالیت آتیان معلومدار کینہ۔ اوپارے کہ ننے اومیت ءِ کہ جہانی برادری دانا نوٹس ءِ ہلیک، ہندوستان ءِ داحرکت کن جوابدہ مروئی تمک۔ ہندوستان نا وضاحت آن پد آخبت نا لائحہ عمل نا فیصلہ ءِ کینہ۔ شاہ محمود قریشی پارے کہ نن جارحیت نا قائل افن ولے دفاع نن مہالوہم کریسن و آخبت ہم کینہ۔ ابھی نندن نا چاک داسکان یخ متنو لگک اودے ولدا طلب مننگ ءِ۔ وزیرخارجہ پارے کہ ہندوستان نا رویہ بھاز غیر زموارانہ ءِ ہندوستان ءِ کٹہرہ ٹی اتنگ نا گرج ءِ۔ بھارت 26 فروری 2019 آ جارحیت کرے، راستکی غٹ انا مون آ بس، ولے دنیا مصلحتا خاموش مس۔ اوپارے کہ نن ہندوستان نا کنڈآن پاکستان اٹ دہشت گردی نا کاٹم خواہی نا پبی شاہدی تے اسہ ڈوزیراسے نا کمک اٹ جہانی برادری نا مون آ تخان۔ نن بھارت نا اسلی دروشم ءِ دنیا نا مون آ بے نقاب کرین، مخدوم شاہ محمود قریشی پارے کہ نن جارحیت نا مخ تف افن، نن ہندوستان تون اوار تینا ہمسایہ غاتون گچین تعلقداری تا خواہندار اُن ولے ہندوستان نا روایہ ءِ تو ہبو؟ مقبوضہ کشمیر اٹی جور و بیدادی نا چرجوئی ترندی آٹی ءِ، سمندری و فضائی دنگ انا خلاف ورزیک غٹ انا مون آٹو وخت اس کہ ایلو کنڈآ پاکستان نا رویہ مدام مصالحانہ و مدبرانہ ئسک ولے دفاع ننا حق ءِ و دفاع کن مچ آ قوم تیار ءِ۔