اقتصادی رابطہ کمیٹی برجامالی سال اٹی 85 خلق ءِ گیس انا فراوانی نا رداٹ سوئی سدرن کن 747.53 ملین روپئی نا ضمنی گرانٹ نا منظوری ءِ تس

اسلام آباد۔ 11 مارچ (اے پی پی) کابینہ نا اقتصادی رابطہ کمیٹی برجامالی سال اٹی 85خلق  ءِ گیس انا فراوانی نا رداٹ سوئی سدرن کن 747.53 ملین روپئی نا ضمنی گرانٹ نا منظوری ءِ تسنے۔ کابینہ نا اقتصادی رابطہ کمیٹی نا دیوان جمعہ نادے آ داڑے وزیر خزانہ شوکت ترین نا کماشی ٹی اڈ ہلک، دیوان اٹی بنجائی وزیر قومی غذائی رکھ و پٹ وپول  سید فخر امام، وزیراعظم نا سلاہکار واپار و زرکاری عبدالرزاق داؤد، بنجائی سیکرٹریز و سینئر آفیسر آک بشخ ہلکر۔ دیوان اٹی وزارت توانائی(پیٹرولیم ڈویژن ) نا کنڈآن گیس فیلڈ انا ایب وکیب واقع 5 ہندی خلق و آبادی ءِ گیس انا فراوانی نا بابت سلاہ و سمری پیش کننگا، اقتصادی رابطہ کمیٹی برجامالی سال اٹی 85 خلق آتے گیس انا فراوانی نا رداٹ سوئی سدرن کن 747.53 ملین روپئی نا ضمنی گرانٹ نا منظوری ءِ تس۔