سرکاری ہسپتال آتا کارکڑد ءِ پین گچین کننگ اُن، ڈاکٹر فیصل سلطان

اسلام آباد۔ 11 مارچ (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ وزیراعظم نا وژن نا رداٹ سرکاری ہسپتال آتا کارکڑد ءِ پین گچین کننگ اُن، جان جوڑی کارڈ پی ٹی آئی حکومت نا تاریخی و انقلابی گام اسے۔ داخیال آتا درشانی ءِ او جمعہ نادے آ تینا دورہ پولی کلینک ہسپتال نا وخت آ کرے۔ پولی کلینک اٹی گائنی شعبہ نا دورہ ٹی اوزالبول آتیان اَریفے۔ ڈاکٹر فیصل سلطان بلڈ بینک نا ہم دورہ ءِ کرے و انچارج بلڈ بینک آن مون تروک چیلنج و حالیت آتا بارواٹ اَریفے۔ داوخت آ او پارے کہ وزیراعظم نا وژن نا رداٹ سرکاری ہسپتال آتا کارکڑد ءِ پین گچین کننگ اُن۔ جان جوڑی نا بشخ اٹی اصلاحات کننگ انگ ءِ۔ اوپارے کہ جان جوڑی نا بشخ اٹی گچین طبی آسراتی تا فراوانی ءِ پک کننگ تون الس ءِ گچین طبی آسراتی تا فراوانی کن غٹ تر وسیلہ غاتے کاریم اٹ اتنگ انگ ءِ۔ اوڈاکٹرز و پیرامیڈیکل اسٹاف ءِ پارت کرے کہ او لگن و جوزہ اٹ ڈکھیا انسانیت نا خذمت ءِ کیر۔ اوپارے کہ سرکاری ہسپتال آتا کارکڑد ءِ ہم مانیٹر کننگ انگ ءِ۔ ڈاکٹر فیصل سلطان پارے کہ وزیراعظم نا پارت آ قومی جان جوڑی کارڈ انا دنگ ءِ مچ آ ملک اسکان تالان کرینن۔ جان جوڑی کارڈ پی ٹی آئی حکومت نا تاریخی و انقلابی گام اسے۔