پارلیمنٹ ہاؤس و لاجز اسپیکر قومی اسمبلی نا ماتحت ءُ، او اسمبلی و باسک آتا رکھ انا زموار ءِ، شاہد خاقان عباسی

اسلام آباد۔ 11 مارچ (اے پی پی) مسکوہی وزیراعظم شاہد خاقان عباسی پارینے کہ پارلیمنٹ ہاؤس و لاجز اسپیکر قومی اسمبلی نا ماتحت ءُ و او اسمبلی و باسک آتا رکھ انا زموار ءِ، پولیس و اسہ بندغ اس ہم اونا مرضی آن بیدس ہموڑے بننگ کپک داباندات آ اسپیکر تینا پوزیشن ءِ پیدوار کے۔ جمعہ نادے آ داڑے پریس کانفرنس آن تران کرسا اوپارے کہ پارلیمنٹ لاجز اٹی پولیس نا نفری پترینگا۔ اوپارے کہ اسپیکر بے کنڈ ہلوک مریک و اسمبلی و باسک آتا رکھ انا زموار ءِ۔ اوپارے کہ تحریک بے پتی جمع مسنے، داسہ دیوان ءِ بٹنگسا آئین نا رداٹ ووٹنگ کرفنگے۔ نن چھٹی نادے آ ہم ووٹنگ کن تیار اُن۔ سرکاری ملازم آک کانود نارداٹ کاریم کیر۔ تحریک بے پتی آئینی عمل اسے ہرکس ءِ نیام تمک اودے ورندی تروئی مریک۔