بنداوی ڈھانچہ نا گچینی کن حکومتی گام گیج آتا نتیجہ غاتا مون آ بننگ نابناءمسنے
اسلام آباد۔ 18 اپریل (اے پی پی) پاک چین اقتصادی راہداری ڈٹ پاکستان ئِ ترند رفتار اقتصادی شونداری نا شاہراہ غا دیک ، مریس، کشادہ و رکھوک روڈ آتا ڈٹ آتا پوروی آن پاکستانی الس کن روزگار نا پوسکن ئُ وارخواہی ودی مریک۔ اسہ احوال اسے نا رداٹ ساڑی حکومت 2013ءآن ہلیس داوخت اسکان بنداوی ڈھانچہ نا گچینی کن اولیتی بنداو تیا گام گیج چست کرینے ہرافتا نتیجہ غاتا مون آ بننگ نا بناءمسنے۔ گدرینگوک آ دے تیٹی سنٹرل ڈویلپمنٹ ورکنگ پارٹی ملک اٹی انفراسٹرکچر نا چندی ڈٹ آتا منظوری ئِ تسنے ہرافتے ٹی لاہور، سیالکوٹ موٹروے لنک انا ڈٹ ہرا 15.98 ارب روپئی ٹی جوڑ جاڑ مریک ہرا چارلین 73.3 کلومیٹر ناداموٹروے نارنگ منڈی نا کمک اٹ ناروال ئِ لنک کیک۔ 1.7 ارب خڑچ انا کڑاڑو۔ودھ سیکشن نیشنل ہائی وے این 25 نا ودیکی و بحالی نا ڈٹ ئِ منظور کرے۔ مہمند ایجنسی ٹی 4.39 بلین نا خڑچ آن غلنئی محمد گٹ روڈ انا ڈٹ ئِ منظور کرے، سی ڈی ڈبلیوپی آزموندہ ہی بنداو تیا 381 ملین نا خڑچ آن آزموندہ ہی بنداو راولپنڈی و کوہاٹ نانیام اٹ ریل کار چلیفنگ نا منظوری تننگانے۔ گدرینگوک آ سال انا ایسر اٹی بیجنگ اٹی اسیجائی کمکار کمیٹی (جے سی سی ) ٹرانسپورٹ انفراسٹرکچر نااِرا بھلو ڈٹ ملتان سکھر موٹروے و قراقرم ہائی وے نا حویلیاں تھاکوٹ سیکشن ئِ سی پیک کن اہم مزل نانشان اس گوندسا اوڑآ کاریم نارفتار و دارداٹ پاکستانی حکومت نا کنڈآن کروک آ سیکورٹی و ایلو انتظامی گام گیج آتیا است جمی نا درشانی ئِ کرینے۔
