اسلام آباد۔10مارچ (اے پی پی):صدر مملکت ڈاکٹر عارف علوی ءَ گوشت کہ دولت مشترکہ ءِ باسکیں ملک آنی نیام ءَ گیش دیمروئی دیگ ءِ واستہ پارلیمانی ڈل آنی روگ ءُ آیگ ءِ ضلورت انت۔ اے گپ آئی ءَ کامن ویلتھ پارلیمانی ایسوسی ایشن (سی پی اے) ءِ سیکرٹری جنرل سٹیفن ٹوئگ ءَ گوں تران کنانءَ کت آئی ءَ پنچ شمبے ءِ روچ ءَ ادا ایون ءِ صدر ءَ آئی ءَ گوں گند ءُ نند ءَ کت۔ کامن ویلتھ پارلیمانی ایسوسی ایشن ءِ ایگزیکٹو کمیٹی ءِ ادارُکی چیئرپرسن ایان لڈل گرینجر، ایم این اے شاندانہ گلزار خان، سیکرٹری راجی اسمبلی طاہر حسین، ممبر کامن ویلتھ پارلیمانی ایسوسی ایشن ایملی ڈیوس ءُ حکومت ٹوھ ٹوھیں کارندہ اے موہ ءِ سر ءَ ساڑی اتنت۔ صدر مملکت ءَ ڈل ءَ را وش اتک کنان ءَ ملک ءَ جمہوریت ءِ مھکمیءُ دیمروئی ءَ پارلیمنٹ ءِ کرد ءِ سر ءَ چمشانک دات۔ آئی ءَ ڈل ءَ را زلبول ءِ ھک آنی رکھینگ ءُ دیمروئی ءِ واستہ پارلیمنٹ ءِ نیمگ ءَ چست کتگیں کانود ءِ جوڑیشت ءِ گامگیج آنی بابت ءَ گوشت۔ اے موہ ءِ سر ءَ سٹیفن ٹوئگ ءَ صدر ءَ را پاکستانی زانشتکاریں کلانہ، ءُ پارلیمنٹ ءِ باسک آنی گوما وتی گپ ءُ تران آنی بابت ءَ سرپد کت۔ آئی ءَ زالبول آناں وت مستر جوڑ کنگ ءِ واستہ پاکستان ءِ گامگیج آناں ھم ساڑات۔
