راولپنڈی ۔10مارچ (اے پی پی):پاک فوج ءِ شوبگ آئی ایس پی آر ءِ ڈایکٹر جنرل میجر جنرل بابر افتخار ءَ گوشت کہ 9 مارچ ءَ بھارت ءِ دمگ سرسا ءِ نزیک ءَ یک سپر سانک چیز (پروجیکٹائل) ءِ آزمان ءَ گندگ بوتگ ایش پاکستانی سیم آنی آنی تہ ءَ پُترتگ ءُ میاں چنوں ءِ نزیک ءَ کپتگ، اے واکیہ ءَ چہ بھارت ءُ پاکستانی آزمانی سیم سر آنی ٹوھیں تباہی ءِ بوت کتگ وھدیکہ زمینءِسر ءَ ھم تاوان ءِ بیم بوتگ،یک زمہواریں راجے ءِ رنگ ءَ ما جنگءُ جُڈ نہ لوٹاں ءُ بھارت ءِ پسو ءِ ودار ءَ کنان۔ پنچ شمبے ءِ روچ ءَ پریس بریفنگ ءَ میجر جنرل بابر افتخار ءَ گوشت کہ 9 مارچ ءَ بیگاہ ءِ 6 بج ءُ 43 منٹ ءَ بھارت ءِ دمگ سرسا ءِ نزیک ءَ یک گشادروکیں چیز (پروجیکٹائل) آزمان ءَ گندگ بوت ایش پاکستانی سیم سر ءَ پترت ءُ 3 منٹ ءَ میان چنوں ءِ نزیک ءَ کپت۔ آئی ءَ گوشتکہ پسکتانی ائیر ڈیفنس ءُپاکستانی ائیر فورس ءَ ایشی ءِ یک شل ءَ نگرانی کتگ، ایشی ءِ کپگ ءَ چہ سویلین پراپرٹی ءَ را تاوان رستگ پدا ھم وش بھتی ءَ چہ اچ جانی تاوان نہ بوتگ۔ میجر جنرل بابر افتخار ءَ گوشت کہ ھمے رنگ ءَ کہ اے واکیہ بوتگ ایشی ءِ ھوالگ ءَ بھارت ءَ را پسو دیگی اِنت۔ ایشی ءَ چہ سہرا بوتگ کہ بھارت بالی پڑے رکھینگ ءِ رھبند آنی پد ءُ رندی ءَ نہ کنگ ءَ اِنت۔ اے واکیہ ءَ چہ بھارت ءُپاکستان ءِ بالی سیم سر آناں ٹوھیں تاوان ءِ رستگ اَت وھدیکہ زمین ءَ ھم ٹوھیں تاوان ءِ بیم ھم بوتگ۔ آئی ءَ گوشت کہ پاکستان اے واکیہ ءَ را گیشاں چہ گیش مذمت ءَ کنت، بھارت ءَ را ایشی ءِ پسو دیگی اِنت۔ ما یک زمہ واریں راجے ءِ بستار ءَ جنگ ءُ جُڈ نہ لوٹا ءُ بھارت ءِ پسو ءِ ودار ءَ کناں بلے ما سہراکنگ لوٹاں کہ پاکستان وتی سیم سر آنی تہ ءَ پتروکیں کجاھم وڑیں چیزے گر ءُ دار ءِ واستہ تیار اِنت۔ اے واکیہ ءَ ھم پاکستان ءِ ایکشن ءُ رسپانس سرجم اَت۔ آئی ءَ گوشتکہ انوں ڈجی جی ایماوز ءِ تک ءَ اچ رنگیں رابطہ نہ بوتگ، درئی کارانی کارگس استیں کار رپک ءُ رھبند آنی رد ءَ بھارت ءَ را پسو لوٹ کنت۔ یک جستے ءِ پسو ءَ آئی ءَ گوشت کہ فوج ءَ را گوں سیاست ءَ اچ سیادی نیست، گہتر بیت کہ اے بابت ءَ اچ رنگیں گپ ءُ تران کنگ مہ بیت۔
