لاہور۔10مارچ (اے پی پی): مزن وزیر عمران خان ءَ گوشتکہ ملکی تاریخ ءَ اولی رند ءَ ل سرجمیں پنجاپ ءَ دیمروئی منصوبگ بندات کنگ بوتگ۔ آئی ءَ اے ھیالانی درشانی پنچ شمبے ءِ روچ ءَ ادا صوبائی وزیر سرداسرآصف نکئی ءُ سید صمصام بخاری ءَ گوں گند ءُ نند ءَ کت۔ آئی ءَ گند ءُ نند ءَ صوبگ ءِ سیاسی جاور ھال ءُ سیادی داروکیں وزارت آنی جاڑیگیں دیمروئی منصوبگ آنی سر ءَ ھیال ریچی کت۔ مزن وزیر ءَ گوشت کہ گوست ءَ پنجاپ ءِ سرجمیں دیمروئی بجٹ ھاسیں شہر آں گیشینگ بوتگ۔ آئی ءَ گوشت کہ پشمندگیں ءُ گوست ءَ ڈلگچار کتگیں شہیر آنی دیمروئی حکومت ءِ اولی ترجیح آنی تہ ءَ ھوار اِنت۔
