اسلام آباد۔ 10 مارچ (اے پی پی) صدر مملکت ڈاکٹر عارف علوی پارینے کہ سپلائی چین لاجسٹکس نا بشخ اٹی ترندی اٹ شونداری مننگ ءِ، دنیا ٹی مروک آ شونداری آن تینے ہم گرنچ کروئی مریک، حکومت ملکی زرگزران ءِ گچین کننگ کن گچین گام گیج کننگ ءِ ، انفارمیشن ٹیکنالوجی و کشت وکشار نا بشخ آتیٹی مون آ ہِننگ نا بھلو گمان اس ساڑی ءِ۔ داخیال آتا درشانی ءِ او پنچ شنبے نادے آ ’’اولیکو ملٹی موڈل لاجسٹکس‘‘ کانفرنس آن تران کرسا کرے۔ کانفرنس اٹی اسٹیٹ بینک آف پاکستان نا مسکوہی گورنر ڈاکٹر عشرت حسین، زرگزرانی و لاجسٹک چاہندار، سرکاری و غیرسرکاری تنظیم تا نمائندہ، سفارتکار و ایلو نمان شخصیت آک بشخ ہلکر۔ صدر مملکت پارے کہ اینو پاکستان نا شونداری کن بے شمار وارخواہی ساڑی ءِ، کسبکار افرادی قوت نا کمک اٹ نن شونداری نا وارخواہی تیان بے پناہ فائدہ دوئی کننگ کینہ۔ اوپارے کہ دنیا ٹی کاروبار نا پوسکن آ وارخواہیک ودنگ ءُ، ٹیکنالوجی ہراترند رفتاری اٹ شون ہلنگ ءِ اونا نسبت فیصلہ سازی نا عمل سست ءِ۔ صدر مملکت پارے کہ وسط ایشیانا ملک آک گوادر بندرگاہ نا کمک اٹ تینا گڑتا فراوانی ءِ خوارہ ، چندی وسط ایشیائی ملک آتا دا است خواہی ءِ کہ اوفتا مصنوعات آک برآمد کن گوادر سرمریر، تانکہ اوفتے پیشن نا ملک آ گدریفنگ مرے۔ دامسخت کن گوادر اٹی ویئرہاؤسز اس جوڑ کننگانے، پاکستان ہم تینا ایشیاء نا برآمد آتے ودفنگ خواہک ، نن ساڑی ہی ٹی ازبکستان و ترکی ءِ ایشیانا ترسیل کرینن۔ اوپارے کہ حکومت ملکی زرگزرانءِ گچین کننگ کن گچین گام گیج کننگ ءِ، حکومت ٹیکسٹائل نا صنعت ءِ بحال کرینے ہراڑآن 9 سد ارب روپئی وخت اس کہ کشاری صنعت تون وابستہ مخلوق ءِ 11 سد ارب نا ودکی فائدہ مسنے۔ ڈاکٹر عارف علوی پارے کہ پاکستان نا آئی ٹی نا بشخ اہم کڑد ادا کننگ ءِ، تدوک آ سال فیس بک (میٹا ) 5 ہزار زالبول آتے تربیت تس و اواونا نتیجہ ٹی تینا کاروبار ءِ سرسہبی اٹ چلیفنگ ءِ، داسال اسہ لکھ زالبول آتے تربیت یافتہ جوڑ کننگ نا ہدف مقرر کننگانے۔
