اسلام آباد ۔ 18 اپریل (اے پی پی) اسلام آباد، راولپنڈی ، لاہور تون اوار پنجاب، گلگت بلتستان و خیبر پختونخوا نا چندی علاقہ غاتیٹی 5.5 شدت نا زمی جمب نا لوڈومحسوس کننگا۔ زمی جمب نااحوال تروک آ بنجانا رداٹ سے شنبے نا سہب انا 4بجہ ئُ 5منٹ آ اسلام آباد، راولپنڈی ، لاہور تون اوار پنجاب ، غذر، فاٹا، سوات، مالاکنڈ وپشاور اٹی زمی جمب نالوڈو محسوس کننگا ہرانا سوب خلقت اٹی خلیس اس تالان مس و او کلمہ ئِ کشسا اُراتیان پیشن پیش تمار۔ ریکٹر اسکیل آ شدت 5.5 ریکارڈ کننگا، زمی جمب نابنجا کوہ ہندوکش اوغانستان ریجن اٹی 180 کلومیٹر ڈغار نا تہٹی ئس۔ زمی جمب آن پد ہچ ئُ جانی و مالی نسخان اسے نا ڈہ رسینگ تنے۔
