مہم اٹی 10لکھ 54 ہزار چناتے پولیو آن بچنگ نا پڑی کنفنگک
کوئٹہ۔ 17اپریل (اے پی پی) بلوچستان نا دارالحکومت کوئٹہ تون اوار صوبہ نا 19ضلع غاتیٹی 3دے ئی انسداد پولیو مہم دوشنبے نا دے آن بناءکیک ۔ ایمرجنسی آپریشن سینٹر بلوچستان نا ذرائع پارینے کہ مسہ دے ئی انسداد پولیو مہم اٹی 16ضلع غاتیٹی 5 سال اسکان نا کم وئی نا 10 لکھ 54 ہزار 91 چناتے پولیو آن بچفنگ نا پڑی کنفنگک وخت اس کہ مسہ ضلع پشین، قلعہ عبداللہ و کوئٹہ نا 15 یونین کونسل آتیٹی انجیکٹیبل پولیو ویکسین (آئی پی وی ) نا اِرا سال آن کم وئی اسہ لکھ 20 ہزار آن زیات چناتے ٹیکہ خلنگک، پولیو مہم اٹی 3893 ٹیم بشخ ہلنگ ئُ ہرافتے ٹی 3241 موبائل ٹیم، 458 فکسڈ سائٹ و 194 ٹرانزٹ پوائنٹ جوڑ کننگانے۔ ذرائع پارے کہ آواران ، ڈیرہ بگٹی، بولان ، گوادر ، ہرنائی ، جعفر آباد، جھل مگسی، قلعہ سیف اللہ، کیچ، کوہلو ، لورالائی ، مستونگ ، نصیر آباد ، پنجگور ، سبی ، زیارت و وخت اس کہ قلعہ عبداللہ ، پشین و کوئٹہ نا 15 یونین کونسل آتیٹی انسداد پولیو مہم اٹی ناخوشگوار واقعہ غاتون مون تننگ کن سیکورٹی نا سخت رکھی گام گیج کننگانے۔ ہراعلاقہ غاتیٹی چناتے انسداد پولیو نا پڑی کنفنگ انگ ئِ ہمو علاقہ غاتیٹی پولیس و لیویز نا سلہہ بند دستہ گشت کننگ ئِ و شکبر بندغ آتیا سخت نظر تخنگ انگ ئِ۔
