جھل مگسی۔ 17اپریل (اے پی پی) جھل مگسی نا علاقہ کوٹ مگسی نا خڑک ترند رفتاری ناسوب ویگن و موٹرسائیکل اسے نا ڈوک لگنگ اٹی 3 بندغ تپاخت 12 بندغ ٹھپی مسنو۔ لیویز نا رداٹ دوشنبے نا دے گنداواہ آن شہداد کوٹ آ ہنوک آ مسافر ویگن ترند رفتاری نا سوب کوٹ مگسی نا ہند آ موٹرسائیکل وویگن اس ڈوک لگار ہراڑآن ویگن تما ہراٹی رحیم خان، اعجاز احمد و اسہ نیاڑی اس ہمووخت آ تپاخت کریر وخت اس کہ 12 بندغ آن زیات ٹھپی مسر، ٹھپی تیٹی 4 بندغ نا حالیت نازرک پاننگ انگ ئِ، غٹ ٹھپی تے شہداد کوٹ و لاڑکانہ غا ریفر کننگانے۔ ہراڑے اوفتے طبی امداد تننگ انگ ئِ۔
