اسلام آباد ۔ 16 اپریل (اے پی پی) مزن وزیر محمد نواز شریف ئَ عیسائی برات آں ھوار ملک ئِ ایندگہ نندوکیں نیک راھی منوک آناں دل یکیمی دات کہ پاکستان آئی ئِ وطن اِنت۔ آئی ئَ اے گپ ئِ زور پرا دات کہ توامیں پاکستانی ھوری ئَ ئُُ گوں تپاکیئَ یک دل ئُُ یکجاھ بہ بنت توامیں پاکستانی آناں ملک ئِ وشھالی ئَ پہ تپاکی ئَ یک دل بوھگ لوٹیت۔ ایسٹر ئِ بابت ئَ آئی ئَ گوشت کہ مئے اخلاقی ئُُ راجی زمہ واری اِنت کہ عیسائی برات ئُُ توامیں مردم آنی ھک آناں رکھینگ بیت۔ آئی ئَ گوشت کہ پاکستان ئِ توامیں شہری آناں آئین ئِ چیر دستی ئَ یک رنگیں ھک اَست اِنت۔ مزن وزیر ئَ ایسٹر ئِ نیک راھی وشی ئِ موہ ئَ عیسائی برات آناں دلی مبارکی دات ئُُ گوشت کہ پاکستان ئَ نندوکیں عیسائی برات ئُُ گہار آناں ایسٹر ئِ شاتیں روچ ئَ ھمگام ئَ ھوار آں۔ مزن وزیر گس ئَ چہ جاڑی بوتگیں بیان ئِ رد ئَ مزن وزیر ئَ گیش تران کُت کہ پاکستان ئِ عیسائی برات ملک ئِ دیمروئی ئُُ وشھالی ئَ وتی کلیتی کرد ئَ پیلو کنگ ئَ اَنت۔ آئی ئَ گوشت کہ ملک ئِ رکھینگ ، سلامتی، دیمروئی ئُُ وشھالی ئِ ھاترا آئی ئِ واھشت لائک ئِ ستا اَنت۔
