اسلام آباد۔ 16 اپریل (اے پی پی) وزیر خزانہ سینیٹر اسحاق ڈار گدرینگوک آ تُو مانسہرہ نا خلق نین بین اٹی حادثہ ٹی تپاخت کروک آ مردم شماری ٹیم ناکارندہ عبدالقدیر نا صاحبزادہ الطاف ئِ 10 لکھ روپئی نا خصوصی امداد نا چیک اس تس۔ داہیت داڑے پاننگ نا قابل ئِ کہ وزیر خزانہ شکست نا دمدستی پد عبدالقدیر نا خاہوت کن معاوضہ نا پڑوئِ کریسس۔ عبدالقدیر اسہ پرائمری اسکول اسے نا استاد ئس ہراکہ کھن شکورہ خلق انا ہنکینی اس ئس و ضلع مانسہرہ نا خلق نین بین اٹی مردم شماری نا فرض ئِ پورو کریکہ کہ داٹی داحادثہ پیش بس۔ ایماندار اسہ جنوزان، چار مار، اِرا مسڑ و پیرانگا لمہ وباوہ ئِ ہلانے۔ وزیر خزانہ ایماندار عبدالقدیر نا کزیت آ ہڑزخواہی نا درشانی ئِ کرے و پدسلوک آ خاہوت تون دلی ہمدردی نا درشانی ئِ کرے ہراوزیراعظم تون یک شنبے نا دے اوڑدہی کریر و ایماندار نا صاحبزادہ الطاف معاوضہ نا چیک ئِ ہلک۔ شکست نا گواچی مروک آ عبدالقدیر نا مار الطاف ئِ محکمہ تعلیم اٹی مست آن ہی ملازمت تننگانے۔
