اسلام آباد۔ 16اپریل (اے پی پی) وزیراعظم محمدنواز شریف پارینے کہ مقبوضہ کشمیر ناکودک الس نا برخلاف بھارتی فوج انا بیدادی تا سوب کشمیریک نام نہاد بھارتی گچین کاری تے مسترد کرسا دا عزم انا درشانی ئِکرینو کہ اوفتا آجوئی ناجوزہ ئِ توننگ مفک۔ یک شنبے نا دے وزیراعظم ہاﺅس آن جاری بیان نا رداٹ وزیراعظم محمدنواز شریف پارے کہ مقبوضہ کشمیر نا الس ئِ اوفتا پیدائشی حق حق خودارادیت آن پدریسہ توننگ انگ ئِ۔ اوپارے کہ کشمیری تا آجوئی ناجہد ئِ توننگ مفک۔ وزیراعظم جہانی برادری نا کڑد انا بابت پارے کہ جہانی برادری بایدے مقبوضہ کشمیر اٹی جاری بھارتی سلہہ بند فوج انا بیدادی ئِ توننگ کن سفارتی و کشمیر نا ویل اناپرامن و دیر پا ایسری کن کڑد ادا کے۔
