گیشتر میدانی علاقہ غاتیٹی باسنی نا چرجوئی (پگہ) اسکان برجاسلنگ نا گمان ، بروک آ 24گھنٹہ ٹی ملک انا گیشتر علاقہ غاتیٹی موسم باسن و خشک مریک، محکمہ موسمیات

اسلام آباد۔ 16 اپریل (اے پی پی) محکمہ موسمیات ملک انا گیشتر میدانی علاقہ غاتیٹی (پگہ) سے شنبے اسکان شدید باسنی مننگ نا پیش گوئی ئِ کرسا پارینے کہ بروک آ 24گھنٹہ ٹی ملک انا گیشتر علاقہ غاتیٹی موسم باسن و خشک مریک ولے نصیر آباد ، مکران ، سبی ، سکھر ، شہید بے نظیر آباد، لاڑکانہ ، حیدر آباد ، ملتان ، بہاولپور، ساہیوال ،م ڈی جی خان ، ڈی آئی خان و فیصل آباد ڈویژن اٹی بھاز باسنی مریک۔ رپورٹ نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم باسن و بارُن وخت اس کہ سندھ، سویلی پنجاب و سویلی بلوچستان اٹی موسم بھاز باسن و بارُن مسنے۔ یک شنبے نا دے ریکارڈ کروک آ باسن انگا ہند آتا درجہ حرارت نا رپورٹ نا رداٹ جیکب آباد، لاڑکانہ، سکھر، تر بت، رحیم یار خان و پڈعیدن اٹی درجہ حرارت 46 ڈگری سینٹی گریڈ، دادو، شہید بے نظیر آباد، مٹھی ، چھور ، موہنجودڑو، بہاولپور، سبی، نور پورتھل و خانپور اٹی 45ڈگری سینٹی گریڈ ریکارڈ کننگا۔ یک شنبے نا دے اسلام آباد اٹی پولن نا کچ 1515 فی مکعب میٹر ریکارڈ کننگانے۔