اسلام آباد۔ 15اپریل (اے پی پی) وزیراعظم محمد نواز شریف عبدالولی خان یونیورسٹی مردان اٹی بے حسی ہجوم نا کنڈآن طالب علم نا خون آ بے حد ڈکھ و است ہسونی نا درشانی ئِ کرسا پارینے کہ دا ڈوہ انا مذمت اٹی پورو قوم یکجا مرے۔ ہفتہ نا دے پی ایم ہاﺅس نا کنڈآن جاری اسہ بیان اسے نا رداٹ وزیراعظم پارے کہ مشعال خان نا خون اٹی اوار عنصر آتے بایدے معلوم مرے کہ ریاست کانود ئِ دوٹی ہلوک آتے ہچ ئُ دروشم اسے ٹی سگپک۔ وزیراعظم پارے کہ یونیورسٹی ٹی بے حس ہجوم نا کنڈآن طالب علم نا خون آ بے حد ڈکھ مسنے۔
