کراچی۔ 15 اپریل (اے پی پی) صدر مملکت ممنون حسین پارینے کہ ریاست پاکستان و حکومت اظہار رائے و آجوئی صحافت آ پورو یخین تخک و صحافی تا ویل آتیا سنجیدگی اٹ چکار تخک تانکہ صحافی برادری تینا چنکا بھلا اجتماعی و انفرادی ویل آتا دباﺅ آن پیش تمسا پورو یکسوئی و است جمی اتون تینا کسبی فرض ئِ انجام تننگ کیر۔ دا ہیت ئِ او ہفتہ نا دے داڑے گورنر ہاﺅس اٹیی کراچی پریس کلب نا عہدیدار و شعبہ صحافت نا نمائندہ شخصیت آتیان تران کرسا پارے۔ داوخت آ گورنر سندھ محمد زبیر و وزیراطلاعات پنجاب مجتبیٰ شجاع الرحمان ئسک ہم ساڑی ئسر۔
