اسلام آباد۔ 15اپریل (اے پی پی) بنجائی وزیر داخلہ چوہدری نثارعلی خان پارینے کہ مستین اٹی قومی شناختی کارڈ کوڑی تا حساب اٹ بہاءمس دا معاملہ غا سیاست بایدے مف، نادرا نا کنڈآن 3لکھ 33ہزار 85 شناختی کارڈ بلاک کننگا ہرافتے ٹی اسہ لکھ 74 ہزار 84 تصدیق شد درملکی ئُ ہرافتے بلاک آخا منسوخ کننگ انگ ئِ، ایلو ماندہ بلاک اسہ لکھ 24ہزار 191 شناختی کارڈ آتے 60 دے انا تہٹی پک کننگ نا شرط اتون ان بلاک کننگ نا فیصلہ کننگانے، 62 جہانی این جی اوتے رجسٹریشن تننگانے، 60 ئِ کانودی گرج پورو کننگ نا شرط آ موکل تننگک، گڑاس ئِ باالکل موکل تفننگ، ویزہ سسٹم اٹی گچین اتنگ کن مسہ نیم سال اٹی گام گیج چست کننگا ، وثوق اتون پاننگ کیوہ کہ اسہ بندغ اس ہم بیدس دستاویز نا پاکستان اٹی پترینگ انگ کپک، خانان اینڈ کالیہ نا کیس 2008 ءنا ئِ ہرانا زموار آک ہمووخت عدالت آن بری مسر بطور وزیر داخلہ پوسکن آ وڑاٹ انکوائری نا بنائِ کریٹ، 103 ارب روپئی نا ترسیلات زر گدریفنگا دارداٹ ایف آئی اے آن جاست وپاست نا بناءکننگانے۔
