اسلام آباد۔ 15 اپریل(اے پی پی) پاکستان ملٹری اکیڈمی نا کول اٹی 135 پی ایم اے، لانگ کورس، انٹیگر یٹیڈ کورس54 و مہاجد کورس 7 انا پاسنگ آﺅٹ پریڈ اڈ ہلک۔ آئی ایس پی آر نا رداٹ قطر انا وزیر دفاع خالد بن محمد العطیہ دا وخت آ مہمان خاص ئس وخت اس کہ سعودی عرب و فلسطین نا کیڈٹ ہم پاسنگ آﺅٹ پریڈ اٹی اوار ئس ۔ بھلو کچ اسے ٹی سینئر حاضر سروس و ریٹائرڈ فوجی کارندہ، سفارت کار و پاسنگ آﺅٹ پریڈ نا کیڈٹس آتا عزیز و قریب آک پریڈ ئِ ہرار۔ داوخت آ اکیڈمی سینئر انڈر آفیسر عمران فیض ئِ اعزازی تلوار اس تننگا وخت اس کہ صدارتی گولڈ میڈل بٹالین سینئر انڈر آفیسر احمد جواد و اوورسیز گولڈ میڈل فلسطین نا الائیڈ اندر آفیسر اشرف ایس ایف ئِ تننگا۔
