اسلام آباد۔ 15اپریل (اے پی پی) قومی اسمبلی نا اسپیکر سردار ایاز صادق و ڈپٹی اسپیکر مرتضیٰ جاوید عباسی ایسٹر نا ’خوشی نا وخت آ مسیحی برادری آن تعلق تخوک آ پارلیمنٹ نا باسک و مسیح برادری ئِ مبارکبادی تسنو۔ اسپیکر پارے کہ مسیح برادری چل دے انا ایسری آ ایسٹر نا تہوار ئِ اڈ ایتک۔ اودعاکرے کہ ایسٹر مچ آ مسیح برادری کن خوشی و شونہالی نا کلہو اس جوڑمرے۔ اوپارے کہ حضرت عیسیٰ علیہ السلام مابت ، رواداری و ایلمی نا تبلیخ کرے۔ اوپارے کہ حضرت عیسیٰ علیہ السلام نا مابت نا کلہو قومیت و برادری تیٹی ہم آہنگی ئِ مون آ دننگ و دنیا ٹی امنئِ المی جوڑ کننگ کن مشعل راہ جوڑ مننگ کیک۔ اوپارے کہ ملک ئِ مون تروک چیلنج آتا مقابلہ کننگ کن تینا صف آتیٹی سیوت ودی کروئی مریک۔ ڈپٹی اسپیکر قومی اسمبلی مرتضیٰ جاوید عباسی ہم ایسٹر نا خوشی نا وخت آ مسیحی پارلیمنٹ نا باسک و مسیح برادری ئِ مبارکبادی ترسا پارے کہ ملک انا جوڑ جاڑ و شونداری ٹی مسیحی برادری نا کڑد انا ستائِ کرے۔
