اسلام آباد۔ 15اپریل (اے پی پی) چیئرمین قومی احتساب بیورو (نیب ) قمر زمان چوہدری پارینے کہ کرپشن نا بابت نیب انا گچین آگاہی و توننگ نا حکمت عملی بے کچ سرسہب جوڑ مس۔ کرپشن اسہ وڑوڈول و کانود نا حکمرانی ئِ بائی پاس کننگ نا ٹیکنیک و مچ آ نظام ئِ راجی و اقتصادی تنکی آن دوچار کننگ نا ئِ۔ بدعنوانی غٹ برائی تا ماس ئِ و داڑآن اقرباپروری، غیر شفافیت تون اوار کیہی برائیک ودی مریرہ۔ ہفتہ نا دے نیب انا کنڈآن جاری اسہ بیان اسے ٹی پاننگانے کہ نیب انا ساڑی انتظامیہ نا کنڈآن چست کروک آ گام گیج آتا سوب پاکستان ئِ موثر انسداد کرپشن اسٹریٹجی نا لحاظ آن سارک ملک آتے کن رول ماڈل گوندنگانے۔ ٹرانسپرنسی انٹرنیشنل رپورٹ 2016ءنا رداٹ پاکستان اسٹ انگا ملک ئِ ہرانا کرپشن پرسپشن انڈکس(سی پی آئی) 126 آن کم مرسا 116 نا کہول آ بسنے۔
