بھارت پاکستان اٹی دہشت گرد آتا کمکاری نا معاملہ غاپورو بے نقاب مسنے، ترجمان دفتر خارجہ

اسلام آباد۔ 15اپریل (اے پی پی) بھارت پاکستان اٹی دہشت گردآتا کمکاری نا معاملہ غا پورو بے نقاب مسنے ۔ دفترخارجہ نا ترجمان ہفتہ نا دے تینا بیان اٹی پارے کہ کلبھوشن یادیو ’را‘ نا ایجنٹ اس ئس و بھارت پاکستان اٹی دہشت گردی نا کمکاری و ہندا کارروائی تیٹی اوار مننگ نا معاملہ غا پورو وڑاٹ بے نقاب مسنے۔ ریڈیو پاکستان تون ہیت وگپ کرسا اوپارے کہ بھارت دہشت گردی نا معاملہ غا اسہ مریس ئُ وخت اسے آن واویلا کننگ ئِ ولے حقیقت دادے کہ بھارت نا انٹیلی جنسس ادارہ دہشت گردی ٹی اوار ئِ۔