اسلام آباد۔ 15اپریل (اے پی پی) گدرینگوک آ مسہ سال اٹی پاکستان ریلوے چندی مسخت آتے کن 6496.13 ایکڑ ڈغار ئِ لیز آ تسنے۔ وزارت ریلوے نا کمامدارآک اے پی پی ئِ پاریر کہ خیبر پختونخواٹی 470 ایکڑ، پنجاب اٹی 5133 ایکڑ، سندھ اٹی 833ایکڑ و بلوچستان اٹی 59 ایکڑ ڈغار ئِ لیز آ تننگانے۔ اوپاریر کہ گدرینگوک آ مسہ سال اٹی پاکستان ریلوے ڈغار تا لیز وغیرہ آن 4653.917 ملین روپئی نا ریونیو دوئی کرینے وخت اس کہ داڑآن گدرینگوک آ مسہ سال اٹی ریلوے نا کٹیا 1578.136 ملین روپئی مسوسس۔ اوپاریر کہ ساڑی حکومت ریلوے نا ڈغار تیان زیات آن زیات فائدہ ہرفنگ نا پالیسی اس مرتب کرینے ہرانا رداٹ ڈغار ئِ بہاءکننگ آن بیدس نیامی و مریس مد اکن کشت وکشار، دوکان تا جوڑ جاڑ و پارکنگ سٹینڈوغیرہ تے کن لیزآ تننگ انگ ئِ۔
