اسلام آباد۔ 14اپریل (اے پی پی) بنجائی وزیر ہاﺅسنگ و تعمیرات اکرم خان درانی پارینے کہ نیزگار الس ئِ چھت انا سیخا فراوان کننگ نا تغ ئِ وزیراعظم نا سروکی ٹی پورو کننگ کن ہروڑنا گام گیج کننگ اُن۔ اوداہیت ئِ جمعہ نا دے وزیراعظم نا ساڑی ہی ٹی جوڑ کروک آ کابینہ نا ذیلی کمیٹی ہاﺅسنگ و تعمیرات نا دیوان نا کماشی ئِ کرسا پارے۔ اوپارے کہ داوخت پاکستانی الس ئِ مون تروک ویل آتیان اہم انگا ویل ہنکین نا فراوانی نا ئِ۔ نیزگار و متوسط تپہ نا شاری تے کن اولیکو مرحلہ ٹی اسہ لکھ ہڑزان اُرا جوڑ جاڑ کننگک۔ دیوان اٹی بنجائی وزیر اصلاحات و ڈٹ بندی احسن اقبال ، وزیر ریلوے خواجہ سعد رفیق ، وزیر سیفران عبدالقادر بلوچ و سیکرٹری خزانہ بطور ممبران ساڑی ئسر۔
