اسلام آباد۔14اپریل ( اے پی پی) وزیر مملکت برائے انفارمیشن ٹیکنالوجی اینڈ ٹیلی کام انوشہ رحمان ئَ گشتگ کہ کجام ھم ادارگ یا کمپنی ئِ گہتریں کارءُ کردءِ ضامن محنتی ءُ دلجمیئِ گوما کار کنوکیں مردم بنت ھمے ھاترئَ اے ضلوری اِنت کہ اے وڑیں کارندہ آنی دلبڈی کنگ بہ بیت تنکہ آ گیش جوانی ئِ گوما وتی کاراں بہ کن اَنت ءُ دومیئَ را ھم سیکین بدئے اَنت ۔ آئیءَ اے گپ آئی سی ٹی آر اینڈ ڈی فنڈ کمپنی ئِ بورڈ آف ڈائریکٹرز ئِ 51می اجلاسئِ سروکی کنانئَ کتگ۔ اجلاس جمعہ ئِ روچئَ وزارت انفارمیشن ٹیکنالوجی ئَ بوتگ۔ بورڈ ئَ اجلاسئِ تہا آئی سی ٹی آر اینڈ ڈی فنڈ کمپنی ئِ ملازم آنی وتی کمپنی ئِ کارءُ کردئِ تپاسی کتگ ءُ گوستگیں سال ئَ گہتریں کارءُ کرد پیش داروکیں افسرآنی دلبڈی ئِ ھاترئَ ھاسیں انسینٹی دیئگ ئِ سفارش کتگ۔ اے موھئِ سرئَ ملکی وزیر انوشہ رحمان ئَ آئی سی ٹی آر ایند ڈی فنڈ ءِ چیف ایگزیکٹو ئَ را پنتءُ شون کتگ کہ آ بورڈ ئِ نیمگئَ چہ منظور بوتگیں منصوبہ آناں وھدئِ سرئَ سرجم بہ کنتءُ وتی کوشستانی تہا گیش گشادی بیاریت۔
