بھارتی حکومتئَ افضل گرو ئَ را پاﺅ دیئگ ئِ ھاترئَ ھچ ریفرنڈم نہ کتگ، پاکستان کانودئِ ردئَ بھارتی ایجنٹ کلبھوشن یادیو ئَ را پاﺅ ئِ سزائَ بہ دنت
اسلام آباد۔14اپریل ( اے پی پی) پاکستان پیپلز پارٹی ئِ رہنما سینیٹر بابر اعوانئَ گشتگ کہ بھارتئَ افضل گرو ئَ را پاﺅ دیئگ ئِ ھاترئَ ریفرنڈم نہ کتگ،پاکستان کانودئِ ھسابئَ بھارتی ایجنٹ کلبھوشن یادیو ئَ را پاﺅ ئِ سزائَ بہ دنت ، مردان مزن شاہ دربرجاھ ئَ نودربر ئِ کوشئَ را سک باز ایر جنی۔ جمعہئِ روچئَ مزن گس ءِ ڈنئَ ھال درئِ گوما گپءُ تران کنانئَ آئیئَ گشتگ کہ امریکہ ئَ پاکستان ئَ چہ ڈو مورئِ لوٹ کتگءُ نہ مئے سرئَ شک کنت، ھرکس کہ ردیں کار کنت آ وت وتی سر ئَ شک کن اَنت آئیئَ گشتگ کہ ملک ئِ دُژمانی ھاترئَ ھرچ ملکئِ گورئَ وتی یک تچکیں کانودے است وھدے کہ ھمے وڑئَ میاں اوستمانی کانود ھم است اَنت۔ بھارتی ایجنٹ ئِ سزائِ سرئَ زوتاں چہ زوت عمل درآمد کنگئِ ضلورت اِنت۔ بھارتی شاہ آمید گسئَ افضل گرو ئِ پیسلہ ئِ سرئَ گشتگ بوتگ کہ اے بھارتی اُلس ئِ لوٹ اِنت بھارتی حکومتئَ افضل گروئَ را پاﺅ دیئگ ئِ ھاترئَ ملکئِ تہا ریفرنڈم نہ کتگ۔ سینیٹر بابر اعوان ئَ گشتگ کہ سندھئِ سروزیر ئِ گپ راست اِنت، ھمے صوبہ ئَ چہ کہ گیس درآھگئَ اِنت ھمے صوبہ ئَ را گیس کارمرز کنگئَ دیئگ بہ بیت۔ یک جُستے ئِ پسوئَ آئی ئَ گشتگ کہ گوستگیں روچ مردان شاہ دربرجاھ ئَ ورناھیں نودربر ئِ کوشئِ سرئَ رنج بوتگ، من اے وئیل ئَ را سرجمیئَ ایر جنی ۔ رائے ونڈ ئِ گوما سندر ئَ 19سالی بچک ئِ چم کشگ بوتگ اَنت صوبائی حکومتئَ را اے جیڑھئِ سرءَ کاروائی کنگ لوٹ ایت۔
