کوئٹہ۔14اپریل ( ا ے پی پی) بلوچستان سروزیر ئِ معدنیات ءُ قدرتی وسائل ئِ صلہ کار ءُ صوبائی گس ئِ باسک حاجی محمد خان لہڑی ئَ گشتگ کہ اُلس ئِ جیڑھ آھانی لوگانی دپ ئَ گیشءُ گیوار کنگئَ جان بڑی کنگ نہ بیت۔ مزن وزیر محمد نواز شریف ئَ بلوچستانئِ وشھالی ءُ پدمنتگی ئِ ھلاسی ئِ ھاترئَ مے مٹیں گامیگج چست کتگ ءُ بلوچستانئِ سروزیر نواب ثناءاللہ زہری ئِ سرپانکی ئَ بلوچستان شپءُ روچ دیمروئی کنگئَ اِنت صوبہ ئِ وشھال ءُ دیمروئی مہ درسانی زمہ واری اِنت کہ ایشی ئِ ھاترئَ اُلسئَ را ھم حکومت ئِ گوما ھمراھ داری کنگی اِنت۔ اے ھیالانی درشانی آئیئَ وتی پتءُ پیروکی میتگ گوٹھ تاج محمد لہڑی ئَ حلقہ ئِ بازیں ڈل آں گوں گپءُ تران کنانئَ کتگ۔ حاجی محمد خان لہڑی ئَ گشتگ کہ اقتدار رﺅکءُ آﺅکیں چیز اِت، اُلسئِ مہر ءُ دوستی ئِ سیادی اَست اِنت کہ اے ھچ وڑئَ نیزور کنگ نہ بیت، اقتدار ئَ چہ پیسر ھم اُلس ئِ وتی وسءُ واک ئِ ردئَ ازمتئَ کن اَنتءُ دیم ھم اُلسئِ ازمت کنگئَ ھچ کمی نہ کن اَنت ، اُلسئِ جیڑھ آھانی لوگانی دپئَ گیشءُ گیوار کنگئَ ھچ وڑیں کمی ءُ جان بڑی کنگ نہ بیت۔ آئی ئَ گشتگ کہ مسلم لیگ(ن) یک انچیں گل اِت کہ آئیئَ مدام ملکئِ ت تعمیرءُ دیمروئی ئِ تہا وتی ھاسیں کرد پیلو کتگ۔
