سی پیک ءِ سرجمی ئَ چہ خطہ ئِ دیمروئیئِ واب سرجم بیت، چینئِ قیادت ءُ اُلس میاں اوستمانی دیمروئی ئِ واھشت مند اَنت
اسلام آباد۔14اپریل ( اے پی پی) پاکستانئَ تعینات چین ئِ سفیر سن وی ڈونگ ئَ گشتگ کہ چین ئِ قیادت ءُ اُلس میاں اوستمانی دیمروئی ئِ واھشت مند اَنت ۔ جمعہ ئِ روچئَ چین ئِ صدر شی جن پنگ ئِ کتاب ئِ دیم دراھی ئِ مراگشئَ گوں تران کنان ئَ آئی ئَ گشتگ کہ 2014ئَ پاکستان ءُ چین ئِ صدر شی جن پنگ ئِ کتاب ئِ دیم دراھی ئِ مراگشئَ گوں تران کنانئَ آئی ئَ گشتگ کہ 2014ئَ پاکستان ءُ چین ئَ یک جاھ ھوار چینی صدر ئِ کتاب ئِ انگریزی ایڈیشن شنگ کتگ بوتگ کہ ایشی ئِ اُردو زبان ئَ رجانک کنگ بوھگئَ اِنت۔ آئی ئَ گشتگ کہ چینی صدر شی جنگ پنگ ئِ ترءُ تاب ئَ چہ دوھیں ملک آنی سیادی گیش مھکم بوتگءُ ایشی ئَ را نوکیں کشکے رسیتگ۔ آئیئَ گشتگ کہ چین ئِ حکمرانی ئِ ترزءُ پیم ئِ سرھال ئِ سرئَ اُردو رجانک ئَ چہ پاکستان ئِ اُلس ئَ را چین ئِ دیمروئی ءُ وشھالی ئَ ھوار چینی دود ئَ چہ سرپدی ھاسل بیت۔ آئیئَ گشتگ کہ صدر شی جن پنگ ئَ را کمیونسٹ پارٹی آف چائنا ئِ مزنیں رھشون لیک اِتگ ءُ گشتگ کہ آئیئِ کتاب چین ءُ دگنیا ئِ دیمروئیئِ ھوالگ ئَ آئی ئِ وابانی عکس کشی اِنت۔ آئی ئَ گشتگ کہ کتاب ئَ دوھیں ملک آنی اُلس ئَ را گیش نزیک ئَ آرگئَ پاک چین سیادی ئَ را گیش مھکمیئَ کمک رسیت وھدے کہ سی پیک ئِ وسرجمیءَ چہ خطہ ئِ دیمروئی ئِ واب سرجم بیت۔ آئی ئَ گشتگ کہ کتاب ئِ دیم دراھی ئِ مراگش ئِ تہا وزیرءُ مزن گسی باسک ، سفارت نمائدگ ، سول سوسائٹی ءُ زندئِ بازیں تک ءُ پھناتاں ئَ گوں ھمگرنچیں مردمانی بازیں کساسے ھوار بوھگئَ چہ پاک چین دوستی پدر بیت۔
