اسلام آباد۔ 14 اپریل (اے پی پی) پاکستان ئُُ یوکرین ئَ حکومتی نظام ئَ جوانیں درشاندابیں حکمرانی، تچکی ئُُ ناشرکاری ئِ گر ئُُ دار ئَ ارا المی جوڑ کنگ ئِ کار ئَ را یکجائی ئَ گوں تپاک کُت۔ اے گپ پاکستان ئَ یوکرین ئِ سفیر ولادی میر لاکوموف ئَ آدینگ ئِ روچ ئَ گلگدار دیان ئَ گوشت اَنت۔ آئی ئَ گوشت کہ راجی کیاس گر ئِ کارگس ئُُ یو کرین ئِ راجی ناشرکاری گر ئُُ دار ئِ کارگس (این اے بی یو) نوکیں ڈیجیٹل ٹیکنالوجی آنی کارمردی ئَ کرپشن ئِ گر ئُُ دار کنگ ئِ یاتگیری مسل آنی سر ئَ دست چنگ جنت۔ آئی ئَ گوشت کہ دوئیں ملک یکے دومیگ ئِ تجروبت ئُُ ٹیکنالوجی آں چہ نپ ئُُ سیت زوریت۔ آئی ئَ گوشت کہ یوکرین ئَ توامیں سرکاری مُزدگر اُلس ئِ پسو ئَ دیگ ئِ زمہ وار اَنت ئُُ ھمک ماہ این اے بی یو ئَ را وتی مڈی ئُُ ھرچ ئُُ درچ آں پیش کنت ایشرا کجام ھم شہری مردم چیلنج کُت کنت۔ ایشی ئَ چہ سرکاری مُزدگر آنی لُٹ ئُُ پل ئَ چہ گر ئُُ دار ئَ سک باز کمک رسیت۔ پاکستان ئِ گوما وت مہ وتی تجارت ئِ بابت ئَ گپ ئُُ تران کنان ئَ گوشت کہ یوکرین ئِ سفیر ئَ گوشتگ کہ ایش راستیں راستی ئَ چہ سک باز کم اَنت، ھمے سبب اِنت کہ ما ایشرا آیوکیں پنچ سال آنی تہ ئَ یک ارب ڈالر ئَ چہ ودینگ ئِ واھشت مند آں۔ اے رد ئَ پاک یوکرین بزنس کونسل ئِ کاروباری یکوئی ئِ دیمروئی ئَ کمک ئُُ آسراتی پجارینگ ئِ زمہ واری دیگ بوتگ۔
