اسلام آباد۔ 14 اپریل (اے پی پی) قومی احستاب بیورو ( نیب ) ئِ چیئرمین قمر زمان چوہدری ئَ گوشت کہ چاگرد ئَ چہ ناشرکاری ئِ ھلاسی ئِ ضلورت ئَ را سردجم کنگ نوکیں ٹیکنالوجی آناں سوگو فرانزک سائنس لیبارٹری برجا کنگ بیت، نیب ئِ لٹ ئُُ پل ئِ گر ئُُ دار ئِ ھاترا سرپدی دیگ ئِ گامگیج کنگ ئَ اِنت۔ اے ھیالانی درشانی آئی ئَ نیب ئِ فرانزک سائنس لیبارٹری ئِ کرد ئِ بابت ئَ چار ئُُ تپاسی ئَ پد اپسرگ آں گوں تران کنان ئَ گوشت کہ نیب ئَ فرانزک سائنس لیبارٹری برجا کتگ اَنت ایشی ئِ تہ ئَ نوکیں زمانگ ئِ آسراتی پُجارینگ بوتگ اَنت۔ اے لیبارٹری ئِ برجائی ئِ مول ئُُ مراد لُٹ ئُُ پل ئِ گر ئُُ دار ئِ ضلورت ئَ را سرجم کنگ اِنت۔ آئی ئَ گوشت کہ نیب ملک ئَ چہ لُٹ ئُُ پل ئِ ھلاس کنگ ئِ ھاترا زیرو ٹالرنس ئِ پالیشی ئِ وڑ ئَ کنگ ئَ اِنت۔ آئی ئَ گوشت کہ نیب ئَ یکجائی ٹیمب ئِ رھبند آناں شنگ کنگ بوتگ تانکہ لنکُک چستی آنی سر ئَ پٹ ئُُ پول کنگ بہ بیت، انکوائری ئُُ انوسیٹیگیشنز آں گوں گر ئُُ چیل بوھگ ئُُ پٹ ئُُ پولی اپسرگ ئُُ پراسیکیوٹر ھوری ئَ کار بکن اَنت۔ آئی ئَ گوشت کہ ناشرکاری انچیں ھوپ اِت کہ ایشی ئَ چہ چاگرد ئَ دُرستاں چہ گیش ھِلت آماچ بنت۔ راجدپتی رد ئَ اے گپ سُہرا بوتگ کہ اے ھما راج آں دیمروئی کتگ آھاں لُٹ ئُُ پل ئَ را چہ بُن چلوک ئَ سستگ دور داتگ۔
