اسلام آباد۔ 14 اپریل (اے پی پی) مزن وزیر محمد نواز شریف ئِ چینی صدر شی جن پنگ ئِ زانتکاری ئَ را توسیپ کنان ئَ گوشت کہ دیمروئیں ملک آنی واستہ چین ئِ گوستگیں سئے سی سال آں چین ئِ دیمروئی یک نمونگ اِت۔ آئی ئَ اے گپ چین ئِ سٹیٹ کونسل انفارمیشن کارگس ئِ ڈائریکٹر جیانگو ئَ گوں آدینگ ئِ روچ ئَ مزن وزیر گس ئَ گپ ئُُ تران کنان ئَ گوشت اَنت۔ مزن وزیر ئَ گوشت کہ پاکستان ئُُ چین آئرن برات اَنت ئُُ صدر شی جن ینگ ئِ 2015ئَ پاکستان ئِ تر ئُُ تاب ئِ ساھت ئَ دوئیں ملک آنی نیام ئَ جوانیں سیادی ئُُ شریکداری ئِ بُرز ئُُ بالائیں تک ئَ اَنت۔ آئی ئَ گوشت پاکستان ”سی پیک“ ئَ گواچنی دروشم ئِ دیگ ئِ واستہ چینی دلیکیمی ئَ را ساڑات ایش ”یک پٹی شاہراہ“ گامگیج ئِ فلیگ شپ منصوبگ اِنت۔ مزن وزیر ئَ گوشت کہ آیوکیں ماہ ئَ چین ئَ ”بیلٹ اینڈ روڈ کانفرنس“ ئَ بھر زوری ئِ وداریگ اَنت۔ آئی ئَ گوشت کہ سٹیٹ کونسل انفارمیشن آفس ئِ ڈائریکٹر ئَ را وش اتک کنان ئَ گوشت کہ صدر شی جن پنگ ئِ وانگی ”چین ئِ نمونگ ئِ حکمرانی“ ئَ را اُردو ئَ چاپ ئُُ شنگ کنگ ئَ آرا مبارک بات دات۔
