اسلام آباد۔ 13اپریل (اے پی پی) اسپیکر بلوچستان اسمبلی و چیف کمشنر پاکستان بوائز اسکاﺅٹس ایسوسی ایشن راحیلہ حمید درانی پارینے کہ صدر مملکت ممنون حسین نا خصوصی پارت آ مچ آ ملک اٹی اسکاﺅٹس ایسوسی ایشن ئِ فعال کننگانے۔ صدر پاکستان اسکاﺅٹ نا وژن ئِ مون آ دننگ، ورناتا کمک اٹ ملک ئِ امن نا جاگہ اس جوڑ کننگ اٹی کوشست کننگ ئِ۔ داخیال آتا درشانی ئِ او پنچ شنبے نا دے اسلام آباد ماڈل کالج طالبات ایف سکس ٹو اٹی اڈ ہلوک اسلام آباد اسکاﺅٹ نا سوغندی دود آن تران کرسا کرے و او چیف کمشنر اسلام آباد ذوالفقار حیدر آن چیف اسکاﺅٹ نا سوغند ہلک۔ اوپارے کہ داجوان انگا روایت قائد اعظم محمد علی جناح 22 دسمبر 1947 ءآ گورنرجنرل ہاﺅس کراچی ٹی پاکستان نا اولیکو چیف اسکاﺅٹ نا سوغند ئِ ہرفسا ادا کریسس ۔ اسکاﺅٹنگ دُن تو اسہ تعلیمی ئُ تحریک اسے ہنداخاطران داٹی چناو ورناتا کڑد سازی آ خاص چکار تخنگک ورناتے تینا اودیم آ لائخی تا نشان تننگ نا موقع ملک۔ راحیلہ حمید درانی پارے کہ او ساڑی ہی ٹی آسٹریلیا، برطانیہ و امریکہ ٹی ہموجاگہ نا اسکاﺅٹ انتظامیہ تون اوڑدہی کرے و پاکستان اٹی سعودی عرب و فرانس نا سفیر تے ہم اسکاﺅٹ اسکارف بیرفسا فرینڈ آف اسکاﺅٹس جوڑ کرینے و عبدالحئی شیخ ہندا چرجوئی ٹی کمشنر فرینڈ آف اسکاﺅٹنگ ہم ارے۔ پنجاب نا وزیر اعلیٰ شہباز شریف ،م صوبائی وزیر تعلیم رانا مشہود و لاہور نا ایلو شرفدار آتے اسکاﺅٹنگ نا دوست جوڑ کننگانے۔ چیف کمشنر اسلام آباد و پوسکن گچین مروک آ چیف اسکاﺅٹ ذوالفقار حیدر تینا تران اٹی پارے کہ او اسپیکر بلوچستان اسمبلی راحیلہ حمید درانی نا منت وارئِ کہ او نیشنل کونسل اٹی اسلام آباد اسکاﺅٹس نا ویل ئِ پیش کرے۔ اوڈاکٹر طارق مسعود ئِ قائم مقام صوبائی کمشنر نا چارج تس۔ ڈاکٹر طارق مسعود و پروفیسر عبدالحئی شیخ بنجائی سیکرٹری زاہد محبوب تون اواری اٹ اسکاﺅٹنگ نا بنائِ کرینے۔ اودود انا سرسہب اڈتننگ آ عبدالحئی شیخ، کالج نا پرنسپل عالیہ درانی ، اسکاﺅٹس ، کالج نا طالب علم و استاد آتے مبارکباد پیش کرے۔ اسپیکر بلوچستان اسمبلی خصوصی است خواہی ہلک ہراٹی تنظیم ئِ دُوارہ فعال کننگانے۔ دود اٹی شانزدہ فرینڈز آف اسکاﺅٹس ئِ ہم اسکارف بیرفنگا ہرافتے ٹی پرنسپل عالیہ درانی، وائس پرنسپل ڈاکٹر فردوس، ڈاکٹر افضل بابر، مقبول ڈار، عبدالرﺅف بھٹہ ، فرزانہ گوندل، سائرہ عباسی ، فرح حامد، مسز شازیہ ، مس حراتون اوار ایلوک اوار ئسر۔
