ملکی سلامتی نا حالیت، آپریشن ردالفساد و جاری خانہ و مردم شماری نا جاچ، کلبھوشن یادیو نا بابت آن سرجم بریفنگ تننگا
راولپنڈی۔ 13اپریل (اے پی پی) پاک فوج انا سروک جنرل قمر جاوید باجوہ پارینے کہ ریاست مخالف سرجز آتیا ہچ ئُ سمجھوتہ اس کننگپک۔ پاک فوج انا شعبہ تعلقات عامہ (آئی ایس پی آر) نا رداٹ پنچ شنبے نا دے آرمی چیف جنرل قمر جاوید باجوہ نا کماشی ٹی 201 می کور کمانڈر کانفرنس جی ایچ کیو راولپنڈی ٹی اڈ ہلک۔ کور کمانڈر کانفرنس ملکی سلامتی نا حالیت و ڈیہہ ٹی مروک آ ساڑی آ ڈویلپمنٹ ، آپریشن ردالفساد ، جاری خانہ مردم شماری نا جاچ ئِ ہلک۔ آرمی چیف دہشت گرد آتا برخلاف جاری آپریشن ردالفساد و مردم شماری نا بابت پاک فوج انا کڑد انا ستائِ کرے۔ کورکمانڈر کانفرنس اٹی بھارتی اودیم ایجنسی رانا ایجنٹ کلبھوشن یادیو نا بابت ہم سرجم بریفنگ تننگا۔ آرمی چیف جنرل قمر جاوید باجوہ داوخت آ پارے کہ ریاست مخالف سرجز آتیا ہچ ئُ سمجھوتہ اس کننگپک۔
