دل ءِ نادراھ آنی ھاترءَ مزنیں کوالٹی ءِ جوانیں سٹنٹس ءِ دست کپگ ءِ ھاترءَ کار کنگ بوھگءَ اِنت ڈرگ ریگولیٹری اتھارٹی سٹنٹس ءِ نیاد مھکم دارگ ءِ ھاترءَ گامگیج چست کنگ بوھگءَ اِنت ،پارلیمانی سیکرٹری قومی صحت‘ خدمات‘ ضوابط و معاونتءِ راجی گسءَ پسو

اسلام آباد۔13اپریل ( اے پی پی) راجی اسمبلی ءَ را ھال دیئگ بوتگ کہ ملکءِ تہا د ل ءِ نادراھاناں دروگیں ءُ ھرابیں سٹنٹس ءَ چہ رکھینگ ءِ ھاترءَ مزنیں کوالٹی ءِ جوانیں سٹنٹس ءِ دست کپگ ءِ ھاترءَ کار کنگ بوھگءَ اِنت، گوست ءِ ھسابءَ انوں سٹنٹس ءِ نیادانی تہا کمی اَتکگءُ نوں ایشی ءِ نیاد ھم مستحکم اَنت۔پنچ شمبے ءِ روچءَ راجی اسمبلی ءَ جُست ءُ پُرسءِ وھدءَ شیخ صلاح الدین ءُ پروین مسعود بھٹی ءِ جُستءِ پسوءَ پارلیمانی سیکرٹری قومی صحت‘ خدمات‘ ضوابط و معاونت ڈاکٹر درشن ءَ گشتگ کہ بنجاھی حکومت ءَ ڈرگ ریگولیٹری اتھارٹی پاکستان ایکٹ 2012ءِ ردءَ 15مارچ2017ءَ ایس آر او جاری کنگ بوتگ کہ ایشی ءِ تہا کانودی درآمد ءِ ھاترءَ سٹنٹس ءُ زند رکھینوکیں طبی آلات ءِ لڑ ھوار اِنت۔ ملکءِ تہا دل ءِ نادراھ آناں دروگیں ءُ دولمبریں سٹنٹس ءَ چہ رکھینگءِ ھاترءَ مزنیں کوالٹی ءِ جوانیں سٹنٹس ءِ دست کپگ ءِ ھاترءَ کار کنگ بوھگءَ اِنت۔ ڈرگ ریگولیٹری اتھارٹی سٹنٹس ءِ نیاد مھکم دارگءِ ھاترءَ گامگیج کنگ بوھگءَ اِنت۔ گوست ءَ چہ انوں سٹنٹس ءِ نیادانی تہا کمی اَتکگ ءُ نوں ایشانی نیاد مستحکم اَنت۔