داسو پراجیکٹ وھدءِ سرءَ سرجم بوھگءَ نیادءِ تہا گیشی بوتگ، مئے دورءَ منصوبہ گشادی ءِ گوما وھدءِ سرءَ سرجم کنگ بوھگءَ اَنت آپ ءُ لین ءِ بنجاھی وزیر عابد شیر علی ءِ راجی اسمبلیءَ پسو

اسلام آباد۔13اپریل ( اے پی پی) آپ ءُ لین ءِ بنجاھی وزیر عابد شیر علی ءَ گشتگ کہ داسو پراجیکٹ ءِ گوستگیں حکومت ءِ دورءَ سٹڈی کنگ بوتگ، منصوبہءَ را وھدءِ سرءَ سرجم نہ کنگءَ چہ نیاد ءِ تہا گیشی بوتگ، انوگیں ھکومتءِ دورءَ بجلیءِ منصوبہ وھدءِ سرءَ سرجم کنگ بوھگءَ اَنت۔ پنچ شمبےءِ روچءَ راجی اسمبلی ءَ جُست ءُ پُرس ءِ وھدءَ نفیسہ عنایت اللہ، خٹک، صاحبزادہ یعقوب ءِ جُستءِ پسو ءَ آپ ءُ لین ءِ وزیر عابد شیر علی ءَ گشتگ کہ واپڈا میاں اوستمانی بنک ءِ کمک ءَ چہ داسو پن بجلی منصوبہ ( اولی بھر) ءِ سرءَ عملدرآمد کنگءَ اِنت۔ زمینءِ ھاترءَ پیسہ جاری کنگ بوتگ اَنت۔ زمینءِ واھُنداں پیسہ ادا کنگ بیت۔ کم ءُ گیش 392ایکڑ زمین حاصل کنگ بوتگ ءُ 695ملین کلدار واھنداں دیئگ بوتگ۔ منصوبہ ءِ جوڑ کنگءِ مدت پنچ سال ءُ ھشت ماہ اِنت۔ دیا مربھاشا ڈیم منصوبہ ءِ سرءَ چینی انجینئرز ءُ ھندی مردم یک جاھ کار کنگءَ اَنت۔ آپ ءُ لین ءِ وزارت ءَ گوں ھمگرنچیں دراھیں جیڑھ گیشءُ گیوار کنگ بوھگءَ اَنت۔ داسو پراجیکٹ ءِ گواستگیں حکومت ءَ سٹڈی کنگ بوتگ۔ وھدءِ سرءَ سرجم نہ بوھگءَ چہ نیاد ءِ تہا گیشی بوتگ۔ مئے دورءَ گشادی ءِ گوما وھدءِ سرءَ منصوبہ سرجم کنگ بوھگءَ اَنت۔