اسلام آباد۔13اپریل ( اے پی پی) آپءُ لینءِ بنجاھی وزیر خواجہ محمد آصف ءَ گشتگ کہ مزن مزنیں مردم لین ءِ دزی کنگءَ ھوار اَنت ءُ آ بل ھم ادا نہ کن اَنت۔ پنچ شمبے ءِ روچءَ راجی اسمبلی ءِ تہا ھیال ءُ لیکہ ءِ درشانی کنانءَ آپ ءُ لینءِ بنجاھی وزیر خواجہ محمد آصف ءَ گشتگ کہ 22,22کلاک لوڈشیڈنگ ءِ گپ کنگ بیت آ وتی فیڈر ءَ بُگش اَنت مہ آھاں ھال دیئنت کہ کجا کجا بجلی دزی کنگ بیت ءُ چونیں مزنیں مزنیں نام بجلی دزی ءِ تہا ھوا ر اَنت۔ کروڑاں کلدار ٹیوب ویل آنی بل ءِ مدءَ ادا نہ کن اَنت۔ سرجمیں پاکستان ءِ فیڈرز آنی لڑ ءُ ریکوری ءِ معلومداری ءَ ایوانءَ ھال دیئنت۔ اے موھءِ سرءَ سید نوید قمر ءَ گشتگ کہ مئے دورءَ ھم ریکوری نہ بوتگ زمہ وار مارا گشگ بوتگ۔ ھمک مردم کہ بل ادا نہ کنت آئیءِ بجلیءَ کٹ کن۔
