اسلام آباد۔13اپریل ( اے پی پی) مسلم لیگ(ن) ءِ رہنما ءُ راجی اسمبلی ءِ باسک شیخ روحیل اصغر ءِ گشگ اِنت کہ انوگیں حکومت ملکءَ را ناشرکاریءَ چہ پاک کنگءِ ھاترءَ کوشست کنگءَ اِنت۔ ریڈیو پاکستان ءَ گوں گپ ءُ تران کنانءَ آئی ءَ گشتگ کہ مسلم لیگ(ن) ءِ حکومت ءِ اولی دلگوشی اِنت کہ ملکءَ را ناشرکاراں چہ پاک کنگ۔ آئیءَ گشتگ کہ پاکستان ءِ تہا چیرایں ناشرکار درگیجگ بنتءُ سزا دیئگ بنت ءُ ھمے ھاترءَ آپریشن ضرب عضب ءُ آپریشن ردالفساد بندات کنگ بوتگ اَنت کہ ایشی ءِ برکتءَ چہ سرجمیں ملکءَ چہ بیم کار یءِ تہا کمی اَتکگ۔ شیخ روحیل ءَ گشتگ کہ انوگیں حکومت ءِ کوشستءُ گہتریں پالیسی آ نی سوبءَ ملکءِ تہا زوت امنءُ ایمنیءِ جاورھال گہتر بنت۔
